NABULABOG ang apat paaralan malapit sa Malacañang Palace sa San Miguel, Maynila kaugnay sa bantang pagpapasabog.
Makaraan ang masusing inspeksiyon, kinompirma ng mga awtoridad na walang bombang nakatanim sa Centro Escolar University (CEU), San Beda College, Eulogio “Amang” Rodriguez Institute of Science and Technology (EARIST) at College of the Holy Spirit-Manila (CHSM).
Ang EARIST nitong Linggo ng gabi ang unang nakatanggap ng bomb threat, kaya agad nagresponde ang mga tauhan ng Manila Police District (MPD) Explosive and Ordnance Division.
Habang ang CEU, CHSM at San Beda College, pawang nasa Mendiola district, ay nabulabog ng bomb threat nitong Lunes ng umaga.
Makaraan suyurin ng bomb squads ang tatlong paaralan, idineklara ni MPD Station 8 commander, Supt. Olive Sagaysay na ligtas ang mga campus dakong 9:00 am.
( LEONARD BASILIO )
