HATAW! D'yaryo ng Bayan hatawtabloid.com
NAGDUDA ang ilang netizens sa pagsagot ni Maine Mendoza kay Alden Richards sa Eat Bulaga ng ”Oo Alden, mahal din kita”. Bakit daw idinaan sa national television? Pampakilig lang daw ba ito sa AlDub at sa kalye-serye?
Hindi maramdaman ng karamihan ang sincerity at kung ano ba talaga ang totoo? Sumasabay lang ba sila sa kilig at pagpapakatotoo ng JaDinengayon? O, kaya ang obvious na relasyon nina Daniel Padilla at Kathryn Bernardo dahil sa mga holding hands at patong ng kamay sa hita?
Marami ang nagtatanong kung scripted daw ba ang aminang naganap? Pinaglalaruan lang daw si Alden ni Maine at ang mga fan?
Pinagtatakpan lang daw ba ang kumakalat na larawan ng non-showbiz boyfriend umano ni Maine na nagngangalang Miggy Villapando?
Bina-bash kasi si Maine dahil sa koneksiyon niya umano kay Miggy. Kahit nililinaw ni Maine na friends lang daw sila ni Miggy, biktima rin siya ngayon ng mga basher.
Sey nga ng isang follower: ”Kc kumakalat ung pics nyo, sana ma-clear un, if kau edi ok if not edi ok din, at least naging honest ka, kc minsan ang unfair na kay Alden si Alden puro chismis lng ung kanya pero grabe sya i-bash while ikaw maraming proofs pinagtatanggol ka pa din.”
Anyway, kung sina Alden at Maine na nga, ‘di maging happy na lang tayo sa kanila.
Eh, ‘di wow!
TALBOG – Roldan Castro
