Thursday , May 23 2024

JC Santos, leading man material

THE magic in their stars. Advanced screening sa seryeng sinimulan nang ipalabas sa linggong ito, ang Till I Met You! Ang pagbabalik ng  OTWOListang tambalan ng JaDine. James Reid at Nadine Lustre!

At dito na ‘ata ako pinakakinilig! Sa unang pasada ng panonood sa masasaksihan sa unang mga gabi nito. ‘Yung tipong hindi mo bibitiwan.

Iba na ang timpla ng JaDine sa roles nila bilang sina Basti at Iris. Ang ganda ng pagbubukas ng istorya mula sa nanay ni Iris na si CarminaVillarroel sa pagkasawa nito sa ilang pag-ibig.

Pero ang sinisiguro naming magpapakabog ng dibdib niyo sa gabi-gabing panonood eh ang magiging third wheel kina Basti at Iris-ang pareho nilang friend na si Ali o Alejandro portrayed by an actor from the theatre na si JC Santos.

Ang perfect niya for the role. A breath of fresh air. Not the usual pang-love triangle na may pagkakontra sa mga bida ang dating.

At tumitili ako ng walang patumangga ha! Namaga ‘ata ang braso ng katabi kong si Ador Saluta sa kapapalo ko sa kanya sa  advanced screening nito.

Actually mahahanapan ko siya ng mga kamukha na parang blast from.the past eh. Ralion Alonzo. Ace Cruz. Na puma-Paolo Avelino. Paghalu-haluin mo ‘yun. Pero ang kalalabasan eh, ang kakaibang charm ng isang JC. Next leading man material. Next heartthrob.

May nagsabi na lumabas na sa mga sezy indie films si JC. Eh, ‘di all the more na maganda.

Ang maganda sa palabas eh, ang matapang na pagtatangka nitong ihayag ang isang maselang tema tungkol sa kung sino.at ano ang isang tao.

Hindi pilit. Hindi ipinu-push.

Eh, gamitin mo pa ang makasaysayang scenic spots ng Greece sa pagtatagpo ng tatlong nilalang. Ayos na ayos. At naaaliw ako kapag panalo ang cinematography ng isang palabas.

Sabi nga ni Manay Ethel Ramos, dapat ginawa na rin itong isang pelikula. Sabi ko Manay, mas aliw nga na isa itong serye dahil sinasabik nila ang mga tao sa bawat eksena.

Antonette Jadaone at Andoy Ranay ang nag-team-up sa direksiyon nito with some help from Dan Villegas. Maski ang mga direktor ay may magic in their hands.

Ang importante sa lahat, captured nila ang sentiment ng mga manonood sa palabas. Mula sa mga ina at ama. Sa pakikitungo sa kanilang mga anak. Sa mga magbe-besties at sa pagharap nila sa kanilang mga damdamin. Para sagutin ang tanong kung nagsisinungaling ba ang puso? Sa magkakaibigan. Among Carmina, Angel Aquino and Pokwang.

Ibang pagtingin na naman ito sa pag-ibig. Sa iba red strings ang panuntunan nila. Sa Japan ’yun. Pero sa atin, tama ‘yung kabog ng dibdib.

Tugudug-tugudug-tugudugdugdugdug!

Hindi mapapatid. Hindi maluluma. Nandyan na kasi sa puso mo.

Matagal-tagal at mahaba-haba pang journey nina Ali, Iris, at Basti.

Trending na worldwide. Mainit ang pagtanggap. Nagkakagulo sa social media sa ‘di matingkalang magagandang reaksiyon at pagbati.

Eh, paano na naman ang katapat niyan. Tataob na naman. Ngangey! Sensiya na!

HARDTALK – Pilar Mateo

About Pilar Mateo

Check Also

Ralph Dela Paz

Coco at Ruru gustong makatrabaho ni Ralph Dela Paz

MATABILni John Fontanilla PAGKALIPAS ng ilang taon ay nagbabalik showbiz ang aktor, stage actor, at …

June Navaja Vincent Marcelo Piolo Pascual Toni Labrusca

Piolo at Toni wish makasama ng mga bida sa isang BL series

MA at PAni Rommel Placente SINA June Navaja at Vincent Marcelo ang mga bida sa BL series na My Bae-Bi …

2 Most wanted persons ng CALABARZON arestado

Angelika nilinaw Mika ‘di buntis kaya nagpakasal kay Nash

MA at PAni Rommel Placente INIINTRIGA si Mika dela Cruz.  Buntis daw umano ito kaya bigla …

Jeric Gonzales Ruffy Biazon Trina Biazon Muntinlupa

Jeric Gonzales haharanahin mga Natatanging Ina ng Muntinlupa

RATED Rni Rommel Gonzales PASASAYAHIN at pakikiligin ni Jeric Gonzales ang mga taga-Muntinlupa City dahil haharanahin ng …

Blind Item, Mystery Man, male star

Aktor pa-victim ang drama, matapos magtago super pa-interview na

I-FLEXni Jun Nardo VISIBLE ngayon sa showbiz events ang isang aktor na nasangkot sa isang malaking kontrobersiya …

Leave a Reply

Your email address will not be published. Required fields are marked *