Monday , July 15 2024
Bulabugin ni Jerry Yap
Bulabugin ni Jerry Yap

Walang eleksiyon At status quo muna (Sa Barangay at SK)

MAS gugustuhin umano ni Pangulong Rodrigo “Digong” Duterte na huwag matuloy ang Barangay at Sangguniang Kabataan (SK) elections dahil tiyak na kokopohin daw ito ng narco-politicians.

Mukhang pabor rin naman ang mga mambabatas sa Kamara at sa Senado na huwag matuloy ang nasabing eleksiyon sa Oktubre kasi s’yempre obligado rin silang magbigay ng suporta sa lokal.

‘E mukhang marami pa ang hilahod sa gastos nitong last election kaya lahat naman ay pabor.

Pero mas gusto natin ang rason ni Pangulong Digong kung bakit ayaw niyang ituloy ang eleksiyon.

Kailangan pa nga kasing paigtingin ang kampanya laban sa ilegal na droga.

083016 Comelec election vote money

Pero masuwerte rin ang mga barangay chairperson o punong barangay at mga kakawatan ‘este kagawad na mayroong minamantinang mga balon ng kayamanan sa mga barangay nila gaya ng illegal terminal, illegal vendors, bookies, jueteng, saklang-patay at iba pa.

Kasi, mukhang ‘status quo’ rin ang mga ilegal nila. ‘Yun lang, baka naman, gusto lang silang masakote ni chief PNP Director General Ronald “Bato” Dela Rosa.

Tiyak, diyan matatapos ang mga kaligayahan ninyo.

Kaya hintay-hintay lang kayo, lalo na ‘yung may mga ilegal dahil hindi ipinipikit ni DG Bato Dela Rosa ang kanyang mga mata sa mga ilegal lalo na’t prehuwisyong tunay sa mamamayan.

Kaya mga barangay chairman na may ilegal, lalo na ‘yung nagkakamal ng kuwarta sa illegal parking, hintayin ninyo si DG Bato — tiyak na mababatukan na kayo, matitigil pa ang ilegal ninyo!

MINDANAO DAPAT
BANG MAGING TAPUNAN
NG SCALAWAGS?!

083016 mindanao

‘Yan po ay obserbasyon at, in a way, ay hinanakit ng isang taga-Mindanao na  nakahuntahan natin kamakailan.

Nagtataka umano sila kung bakit sa  Mindanao lagi itinatapon ang mga scalawag na pulis o tiwaling goverment employee.

Noong una nga, akala nila pulis lang ang itatapon sa Mindanao.

Pero pati mga tulisan sa Bureau of Internal Revenue (BIR), Bureau of Immigration at Bureau of Customs (BoC) ‘e doon din ibinabato sa Mindanao.

Ayon sa kahuntahan natin, nagkakaroon tuloy ng perception na ang mga taga-Mindanao ay hindi matitinong mamamayan ng bansa dahil lahat ng corrupt at scalawag ay doon itinatapon.

Oo nga naman, hindi nga naman tama ‘yun!

Puwede namang itapon sa ibang malalayong lugar gaya sa Samar, sa Sorsogon, sa Mamburao o sa Marinduque o sa iba pang probinsiya na kulang ang government officials or employees.

Para maging balanse naman daw.

‘Yan daw po ang sentimyento ngayon ng mga taga-Mindanao, Pangulong Digong.

Palagay natin ‘e puwede ninyong ikonsidera ang feedback na ‘yan, Mr. President.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …

FIRING LINE ni Robert B. Roque, Jr.

Wanted ngayon: DepEd chief

FIRING LINEni Robert B. Roque, Jr. KUNG gaano kabilis tinalikuran ni Vice President Sara Duterte-Carpio …

Sipat Mat Vicencio

Sara mag-ingat sa pambobola ni Imee

SIPATni Mat Vicencio NGAYONG pormal nang nagbitiw si Vice President Sara Duterte bilang Secretary ng …

Leave a Reply

Your email address will not be published. Required fields are marked *