USAP-USAPAN ngayon kung bakit nagpaalam na si Maja Salvador sa seryeng FPJ’s Ang Probinsiyano.
Ayon sa aming source, noon pa raw nagpapaalam si Maja sa nasabing serye pero pinipigilan lang ng Dreamscape Entertainment .
Hindi kasi bida si Maja sa serye ni Coco Martin gaya ng mga huling nilabasan niya tulad ng The Legal Wife at Bridges Of Love. May mga nakakapansin na dekorasyon lang si Maja sa Probinsyano at parang nasasapawan pa siya sa bigat ng role at exposure ni Bela Padilla noon.
Pero ngayon, maayos siyang nagpaalam dahil baka may offer na rin sa kanya ang ibang unit na bidang-bida siya sa isang serye.
Ayon sa aming source, maraming commitment daw ang natanguan ni Maja kaya kailangan na raw niyang magpaalam sa Ang Probinsyano. Nakakontrata raw kasi siya.
Sino na ang papalit kay Maja at love interest ni Coco?
Magiging regular na kaya si Meg Imperial na love interest ni (Benny) Pepe Herrera at minsan ay pinagseselosan din niya si Coco sa istorya?
How true na mas maganda, bata, tisay, at sexy ang ipapalit kay Maja sa serye?
TALBOG – Roldan Castro
