Energy Sec. Al Cusi ang katapat ng power producers!

EIto ‘yung matagal na nating hinahanap.

‘Yung Energy Secretary na hindi kayang lokohin ng power producers. Hindi robot ng malalaking power supplier.

‘Yung kapag nagkaroon ng malawakang brownout ay kailangan magpaliwanag ang power producers at kailangan matukoy nila kung ano talaga ang dahilan ng brownout.

Hindi ‘yung kapag nag-brownout ang isasagot ‘e, “Wala tayong magagawa, minalas tayo.”

Wahahahaha! Sounds familiar?!

Yes korek na may malaking tsek, narinig po natin sa isang dating opisyal ng MIAA ang mga katagang ‘yan.

Ngayon sa katauhan ni Energy Secretary Al Cusi, dating general manager ng Manila International Airport (MIAA), hindi puwede ‘yung walang paliwanag kung bakit nag-brownout.

Sabi nga niya, “nakikita at namo-monitor kung sino ang nagbabawas ng power supply.”

Hindi nga naman puwedeng, basta naisipan lang magbawas ng power supply ‘e biglang magbabawas.

Labag na labag sa batas ‘yan. At si Secretary Al Cusi lang ang naglilinaw niyan ngayon sa mga consumer.

Mantakin ninyo, lahat ng gastos sa energy ay ipinapapasan sa consumers/subscribers pero sila rin ang nasusunod kapag biglang nagbawas ng power supply?!

Tama ba ‘yun?

Ngayong nagbabala si Secretary Cusi na paiimbestigahan ‘yang mga power producers na ‘yan lalo roon sa mga probinsiya, aba ‘e maghanda na kayo! Sulong Secretary Al Cusi!

Now na!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap