Monday , July 4 2022

Pambansang Kongreso Inilunsad ng KWF (Tungo sa intelektuwalisasyon ng wikang Filipino)

080416 KWF almario Ulirang Guro Dominga Tomas BSU
GINAWARAN ng Komisyon sa Wikang Filipino (KWF) sa pangunguna ng Tagapangulo at Pambansang Alagad ng Sining na si Ginoong Virgilio Almario kasama ang mga Komisyoner, ang isa sa labing-isang Ulirang Guro ng Filipino si Dominga Tomas ng Benguet State University sa unang Pambansang Kongreso para sa Intelektuwalisasyon ng Wikang Filipino sa Teacher’s Camp, Baguio City kahapon. (Kuha ni GLORIA GALUNO)

BAGUIO CITY – Dinaluhan ng mahigit 500 delegado mula sa akademya at iba’t ibang ahensiya ng paamahalaan mula Luzon, Visayas at Mindanao, ang panimulang gawain ng tatlong-araw na Pambansang Kongreso 2016 sa Teachers’ Camp, Baguio City kahapon.

Pinangunahan ng Komisyon ng Wikang Filipino (KWF), katuwang ang Sentro ng Wika at Kultura (SWAK), ang komperensiya mula 3-5 ng Agosto, na may temang “Intelektuwalisasyon ng Wikang Filipino.”

Layunin ng komperensiya na mailahad ang pananaw at proseso ng intelektuwalisasyon ng wika sa sistema ng edukasyon; matukoy ang mga hamon at suliranin sa pagbabalangkas ng mga kongkretong hakbang sa pagpapalakas ng wika sa teknikal at siyentipikong larang; mailapat ang mga proseso ng intelektuwalisasyon ng wikang Filipino sa lahat ng STRAND batay sa K+12 Kurikulum; matiyak ang mataas na antas ng edukasyon sa bawat STRAND gamit ang Filipino; maitaguyod ng mga guro mula bayatan patungong tersiyarya ang bisa sa paggamit sa pagtuturo; at maganyak ang mga guro na gamitin ang Filipino sa paglinang ng mga aralin at pagbabalangkas ng mga kagamitang panturo.

Dumalo sa pagtitipon ang delegasyon mula sa iba’t ibang rehiyon ng bansa, ilang kinatawan mula sa media, mga director ng SWAK at ang Kalupunan ng mga Komisyoner ng KWF, kabilang ang Tagapangulo at pambansang alagad ng sining, Virgilio S. Almario.

“Masasabi na ang pagtitipon ay pagsasanib ng lakas ng iba’t ibang disiplina upang pag-ibayuhin, maitayo mag-isa ang mga teknikal at siyentipikong larang gamit ang wikang Filipino,” ani Benjamin Mendillo, puno ng Sangay ng Salin, sa kanyang panimula bago ipaliwanag ang daloy ng tatlong araw na gawain.

Hinati sa dalawang bahagi ang unang araw ng Teachers’ Camp. Nagbukas ang rehistrasyon dakong 9:00 am, na sinundan ng pormal na pagbubukas ng palatuntunan at ang susing pananalita ni Kalihim Fortunato T. De la Pena ng Kagawaran ng Agham at Teknolohiya.

Kasama sa unang bahagi ang paggawad ng Kampeon ng Wika at Ulirang Guro, maging ang launching ng Audio Visual Presentation ng KWF para sa taon 2016.

Ang kalahati ng araw ay bubuuin ng apat na sesyong plenaryo: Mga Pananaw at Hakbang sa intelektuwalisasyon ng Wikang Filipino; Mga Saliksik at Karanasan sa Likas at Praktikal na Agham;  Intelektuwalisasyon ng Filipino sa Batayang Edukasyon; at Pagsusuri sa Kurikulum ng Junior at Senior High School.

Bibigyan ng pagkakataon ang mga dumalo na magkaroon ng malayang talakayan sa sesyon.

Sa unang bahagi ng pangalawang araw ng Teachers’ Camp, magkakaroong muli ng apat na sesyong plenaryo tungkol sa Intelektuwalisasyon sa iba’t ibang larang: Edukasyong Pangguro; Teknikal at Pang-agham; Ekonomiks; at Medisina. Katulad sa unang araw ay magkakaroon ng malayang talakayan.

Magsisimula ang sesyong paralel sa ikalawang bahagi, ng ikalawang araw ng camp, at doo’y paghihiwa-hiwalayin ang mga kalahok sa limang magkakahiwalay na sesyon, at doo’y kailangang gumawa ng balangkas ng Action Plan ang bawat grupo, maging ng mga kongkretong hakbang sa bawat disiplina.

Ang mga facilitator sa bawat sesyon ay pipili ng isang kalahok na siyang maglalahad kinabukasan ng awtput mula sa mga nailahad ay maglalagom ng mga talakayan at presentasyon ng mga kapasiyahan sa pangunguna ni Roberto T. Anonuevo, direktor heneral ng KWF.

Sa ikalawang bahagi ng huling araw, ang pagkakaroon ng ebalwasyon at impresyon sa mga delegasyon mula sa Luzon, Visayas at Mindanao, na susundan ng lagom sa hinaharap ng Wikang Pambansa sa Sistema ng Edukasyon sa pangunguna ni Dr. Michael M. Coroza.

Ang huling araw ng komperensiya ay pmamahalaan ni Ginang Purificacion Delima, komisyoner ng KWF.

“Inaasahan po namin na magiging makabuluhan ang pagtitipon sa Pambansang Kongreso 2016. Ang kaayusan at tagumpay ng programang ito ay hindi lamang nakasalalay sa mga namamahala, kundi sa inyong koordinasyon at pakikiisa sa mga tuntunin ng gawain na ito” ani Mendillo.

ni Kimbee Yabut

About hataw tabloid

Check Also

Bulacan Airport Special Economic Zone

Bulacan Airport Special Economic Zone ibinasura ni Marcos, Jr.

IPINAWALANG BISA ni Pangulong Ferdinand Marcos, Jr., ang House Bill No. 7575 na naglalayong gawing …

Malacañan

Palasyo dumistanya
Bonggang birthday party ni Imelda Marcos, binatikos ng netizens

DUMISTANSIYA ang Office of the Press Secretary sa napaulat na bonggang birthday party ni dating …

Nasamsam ng PDEA P1.7-B  SHABU HULI SA 2 CHINESE NAT’L

Nasamsam ng PDEA
P1.7-B  SHABU HULI SA 2 CHINESE NAT’L 

UMAABOT sa 260 kilo ng hinihinalang shabu, nakasilid sa tea packs at nagkakahalaga ng kabuuang …

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City Special Economic Zone and Freeport at ang kanyang desisyon na i-veto ang House Bill 7575 ay may layuning ayusin ang mga depekto ng panukalang batas. “Presidential Veto is fastest way to cure the defects of HB 7575 especially the provision which exempts the Commission on Audit to look into the financial transactions on the special economic zone and freeport,” sabi ni Press Secretary Trixie Cruz- Angeles. “Had the President not vetoed the HB 7575, it would have lapsed into law on July 4 or 30 days after the bill was sent by the legislature to Malacañang,” dagdag niya. Giit ng kalihim, kapos ang panukalang batas ng mga sangkap upang iugnay sa ibang batas, patakaran at regulasyon dahil hindi nakasaad dito na sakop ito ng audit provisions ng Commission on Audit (COA), “procedures for the expropriation of lands awarded to agrarian reform beneficiaries and a master plan for the specific metes and bounds of the economic zone.” Binigyan diin ni Angeles, lahat ng transaksiyon sa pananalapi ng gobyerno ay isinasailalim sa audit procedures ng COA at hindi dapat absuwelto sa naturang proseso ang Bulacan Airport City Special Economic Zone and Freeport. “Without those necessary amendments indicated in the veto explanation, the law may be vulnerable to constitutional challenge. The delegation of rule-making power on environmental laws which is unique to the special economic zone is of particular concern,” ani Angeles. Inilinaw ni Angeles, tuloy ang konstruksiyon ng P740-billion international airport sa Bulacan dahil ang “San Miguel franchise to operate the airport” ay aprobado ng Senado at Kamara noong 11 Oktubre 2020. “The construction of the Bulacan international airport and aero city is not affected by the veto. The presidential veto was meant to include the necessary corrections and include the missing processes that might render HB 7575 entirely unconstitutional,” paliwanag niya.

Sa Bulacan Airport City Special Economic Zone and Freeport
‘DEPEKTO’ NG HB 7575 AAYUSIN NG VETO 

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City …

ombudsman

Kasong plunder at graft isinampa vs Lipa City Mayor Africa, 7 empleyado

SINAMPAHAN sa Office of the Ombudsman ng kasong kriminal at administratibo si re-elected Lipa City …

Leave a Reply