Wednesday , July 6 2022

Paolo ‘bed rest’ muna, habang wala pa sa EB

00 SHOWBIZ ms mMABILIS nangilid ang luha ni Paolo Ballesteros nang tanungin ito ng ilang entertainment press na dumalaw sa first shooting day ng pelikula nila nina Dennis Trillo at Anne Curtis, ang Bakit Lahat ng Gwapo May Boyfriend ng Viva Films at Idea First Company ukol sa kung kailan siya babalik ng Eat Bulaga.

“Iyan din ang tanong ko eh, ha, ha, ha. Baka alam ninyo kung kailan, ha, ha, ha,” bungad na sagot ni Paolo kasunod ang sabing hindi totoong lilipat siya ng Kapamilya Network.

“Hindi, wala pa (pagbabalik-EB),”  muling giit nito at aminadong sobrang nami-miss na niya ang panghapong show. ”Siyempre nami-miss siyempre araw-araw ginagawa iyon ‘di ba. Tapos nami-miss ko ang lahat ng mga kasama ko sa trabaho. Pero mas nami- miss ko rin ‘yung mga naiinterbyu namin na mga nananalo sa ‘Juan For All, All For One’, ‘yung mga ganoon.

“Kasi parang iyong kakausapin mo sila tatanungin mo buhay nila. (mga taga-barangay). Kaya kapag nagsu-shooting kami may mga talent na taga-barangay, kinakausap ko mga lola.”

Natanong si Paolo kung may closure ang mga nangyari ukol sa pagkawala niya sa EB. ”Mayroon naman, (tuluyan nang nangingilid ang luha), hindi puwedeng wala kasi sa company matters sabi eh,”  sambit pa nito na natural na maging ganoon ang reaksiyon niya dahil 15 taon na pala siya saEB.

Sinabi ni Paolo na totoong bigla ang nangyaring pagpapahinga niya nang mawala siya sa Eat Bulaga. ”Okey lang naman. Hindi lang naman ako ang napahinga. Niloloko ko nga sina Wally (Bayola) at Jose (Manalo) sinasabi ko sa kanila na ‘it’s a tie’ kaming tatlo ha ha ha. Silang dalawa napahinga rin, ‘wala na tayong maipagmamalaki sa isa’t isa’.”

At habang wala sa EB, dalawang pelikula ang pinagkakaabalahan ni Paolo, ang Die Beautiful  at  Bakit Lahat ng Gwapo May Boyfriend? Kaya naman natanong ito kung na-compensate ba ng paggawa niya ng pelikula ang pagkawala niya sa EB?

“Okey naman kasi itong sa movie naman nag-start kami siguro last month lang so, before niyon, talagang bed rest, pahinga. Eh mag-six months na rin akong wala sa EB.”

Sa Bakit Lahat ng Gwapo May Boyfriend, gagampanan niya ang role na ex ni Anne. ”Siya si Kylie ako si Bench. It turned out na lahat ng nagiging BF ni Anne mga beki Pero ako rito sa movie hindi ako out, ayokong mag-out. Out lang ako kay Anne at sa mga kapatid niya, sa family niya, sa iba ayokong mag-out.

At dahil kasama si Dennis, may kissing scene ba silang dalawa sa pelikula? ”Sana ha, ha, ha. Bawal ‘ata eh. Tapos si Anne magkakagusto rin kay Dennis. So, parang ibig sabihin bakla talaga si Dennis dito kasi ‘yun ang mga gusto talaga ni Anne eh.”

Ukol naman sa international producer na tila nagkaka-interes sa kanyang galing mag-make-up o transformation into someone, sinabi ni Paolo na,”Oo ‘yun ‘yung sa ‘Game of Thrones’ kasi nga ‘di ba na-feature na naman ako kung saan-saan. Siguro roon nila nakita.

“Eh ‘pag bukas ko niyong email ko ang daming nag-e-email na kung puwede akong interbyuhin, puwedeng gamitin ‘yung transformation photos. Tapos ito ngang sa ‘Game of Thrones’ isa siyang producer, taga-LA, Hollywood

. Hindi ko pa ina-accept. Ibinigay ko siyempre sa manager ko sila na mag-usap kasi parang couple of nights ago lang iyon.”

At dahil nga sa walang EB si Paolo, nagkaroon siya ng oras para makapagpahinga. ”Bed rest talaga, sa bahay lang ako, natutulog. Nagluluto. At saka parang medyo okey din medyo napahinga kasi ‘yung mga panahon ngayon sobrang init naisip ko nga kawawa naman ‘yung dalawa (Wally at Jose) kasi sobrang init.”

Ang Bakit Lahat ng Guwapo May Boyfriend ay idinidirehe ni Jun Lana.

SHOWBIZ KONEK – Maricris Valdez Nicasio

About Maricris Valdez Nicasio

Check Also

Harlene Budol Hipon Girl

Nicole Budol ginawang inspirasyon mga natatanggap na panglalait

MA at PAni Rommel Placente ISA si Nicole Budol, na mas kilala bilang si Hipon, na isang …

Arjo Atayde Sylvia Sanchez

Sylvia kay Arjo — Iba ka manindigan

PUNUMPUNO ng emosyon at pagmamahal ang post sa kanyang Facebook ang super proud mom na si Sylvia Sanchez sa …

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Leave a Reply