Thursday , July 7 2022

10 lugar signal 1 kay Carina

ITINAAS na ang anim lugar sa tropical cyclone signal number 1 bunsod ng Tropical Depression “Carina” ayon sa ulat ng weather bureau Pagasa kahapon.

Ayon sa Pagasa, napanatili ni Carina ang lakas, na may maximum sustained winds na hanggang 55 kilometro kada oras.

Habang palapit si Carina sa lupa, nadaragdagan ang mga lugar na inilalagay sa signal number 1.

Kabilang sa mga lugar na ito ang Cagayan, Isabela, Catanduanes, Northern Aurora, Camarines Sur, Albay, Sorsogon, Northern Samar, Eastern Samar, at  Samar.

Sa mga lugar na ito, inaasahan ang 30 hanggang 60 kph bilis ng hangin sa loob ng 36 oras.

Sinabi ng Pagasa, dakong 10 am kahapon, naispatan si Carina sa 175 kms east northeast ng Catarman, Northern Samar.

Kumikilos nang north-northwest sa bilis na 15 kph, si Carina ay inaasahang nasa 215 kms east ng Casiguran, Aurora sa Linggo ng umaga at 85 kms west ng Calayan Island, Cagayan sa Lunes ng umaga.

Sa pagtataya ng Pag-asa, si Carina ay lalabas sa Philippine area of responsibility pagsapit ng Martes ng umaga.

3 PROBINSIYA SA E. VISAYAS INILAGAY SA YELLOW ALERT

TACLOBAN CITY – Nakataas sa yellow alert status ang tatlong Probinsya sa Eastern Visayas bunsod sa storm Signal No.1 dahil sa bagyong Carina.

Dahil sa patuloy na nararamdamang pag-ulan ay nagdulot ito ng mga pagbaha sa ilang barangay sa Tacloban partikular sa Brgy. V&G, Tigbao at Norther Barangay.

Muling pinaalalahanan ng Office of the Civil Defense (OCD-8) ang mga mangingisda na delikado ang pumalaot dahil sa malalaking hampas ng alon gayondin ang mga nakatira sa coastal area at mga malapit sa bundok na mag-ingat sa posibleng landslide, flashflood at baha dahil sa patuloy na pag-ulan.

6 DOMESTIC FLIGHTS KINANSELA

KINANSELA ang anim domestic flights kahapon dahil sa bagyong Carina.

Ayon sa abiso ng NAIA information office, kabilang sa mga naapektohang biyahe ang Manila-Calbayog, Manila-Catarman, Manila-Masbate at return flights ng mga ito.

Sa pagtaya ng airline officials, maaari pa itong madagdagan sa mga susunod na oras kung lalakas pa ang bagyong Carina at ang dulot nitong pag-ulan.

Payo ng NAIA officials sa mga pasahero, agad makipag-ugnayan sa airline companies para sa pagpapa-rebook o kaya ay pag-refund nang naibayad na pamasahe.

About hataw tabloid

Check Also

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

Leave a Reply