Thursday , June 13 2024

Party-list system inaabuso (Kontra con-ass binuweltahan ni Duterte)

INIHAYAG ni Pangulong Rodrigo Duterte, tatanggalin na ang party-list system sa bansa kapag nabago na sa Federalismo ang porma ng gobyerno.

Sinabi ni Pangulong Duterte, sobra na ang pagkaabuso sa sistema kaya bago sisimulan ang pag-amyenda sa Saligang Batas, igigiit niya ang pagtanggal sa party-list system.

Ayon kay Pangulong Duterte, sinasamantala ito ng mayayaman na bumibili o bumubuo ng party-list group para makaupo sa puwesto na isang malaking pambabastos sa batas.

Kahit makakaliwa kasali rin aniya sa party-list system at kung sino-sino pang may pera na mistulang hindi man lang iniisip ang mangyayari sa susunod na mga henerasyon.

KONTRA CON-ASS BINUWELTAHAN NI DUTERTE

BINUWELTAHAN ni Pangulong Rodrigo Duterte ang mga bumabatikos sa binabalak niyang Constituent Assembly (con-ass) bilang paraan ng pag-amyenda sa Saligang Batas.

Magugunitang sinabi ng mga kritiko na ‘disadvantage’ sa taongbayan ang Con-ass dahil mga mambabatas rin anila na may kanya-kanyang pansariling interes ang bubuo ng Konstitusyon.

Sinabi ni Pangulong Duterte, mayroon siyang tiwala sa mga senador na ilang dekada nang inihahalal kaya nangangahulugang pinagkakatiwalaan sila ng taongbayan.

Ayon kay Pangulong Duterte, napakadaling magsalita at mistulang sila lang ang magaling, ang mga nag-aakusang magnanakaw ang mga mambabatas na uupo sa Con-ass.

Iginiit ni Duterte, naroon naman siya para bantayan ang Con-ass at hindi niya papayagang babastusin ng mga mambabatas ang Saligang Batas.

Kaya sa kanyang pagtimon, makaaasa aniya ang taongbayan na maka-Filipino, napapanahon at pakikinabangan ng sambayanan ang bagong Konstitusyon.

About hataw tabloid

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *