Panaginip mo, interpet ko

Dear Señor H,

Tanong ko lang ano ibig sabihin ng ginapangan po ako ng ahas at hinabol pa ako after 3 hrs may nakita ako super dami po ng langgam  after nun  twice po pumutok yung likod ng chiller and then pag-uwi ko po may nakita ako mga baka naglalakad sa tabi ng kalsada pagka-umaga na namn po nung sinaksak ko po ang plantsa  pumutok po yung saksakan. – Anonymous

To Anonymous,

Ang panaginip tungkol sa ahas ay may kaugnayan sa mga nakatagong takot at pag-aalala na nagkakaroon sa iyo ng malaking epekto. Maaaring ito ay babala na may padating na bagay na hindi mo pa alam dahil hindi pa ito lumulutang, subalit mayroon itong malaking koneksiyon sa iyo, kaya dapat kang mag-ingat sa sarili o sa pinansiyal na bagay. Alternatively, ang ahas ay maaari rin namang simbolo ng temptation, at ng dangerous at forbidden sexuality. Kung natakot ka sa napanaginipang ahas, ito ay maaaring nagsasaad ng pangamba mo ukol sa sex, intimacy o commitment. Maaari rin namang ang ahas sa iyong panaginip ay may kinalaman o may kaugnayan sa mga tao sa paligid mo na hindi mo pa lubos na kilala at hindi dapat pagkatiwalaan. Sa positibong persepsiyon, ang ahas ay nagre-represent ng healing, transformation, knowledge at wisdom. Ito rin ay nagsasaad ng self-renewal at positive changes.

Kapag naman nanaginip na ikaw ay hinahabol, ito’y nagpapakita na ikaw ay umiiwas sa sitwasyon na sa palagay mo ay hindi mo magagawa o wala kang mapapala. Kadalasan din na ito ay isang uri ng metaphor na nagsasaad ng iyong insecurity. Ang langgam sa panaginip ay nagpapahiwatig ng iyong kawalan ng kasiyahan sa iyong pang-araw-araw na buhay. Pakiwari mo ay napapabayaan ka at walang halaga, kaya kahit mga maliliit na bagay ay ikinaiirita mo. Maaari rin naman na ang ganitong panaginip ay isang metaphor sa pakiramdam na antsy or restless. Ang mga langgam ay sumisimbolo rin sa hardwork, diligence, cooperation, at industry. Sa mga negosyante, mas dapat asahan ang magandang pasok ng pera o negosyo, kapag nanaginip ng ganito. Posible rin na ang ganitong panaginip ay may kaugnayan sa social conformity and mass action. Sa ganitong punto, maaaring maramdaman mo na ang iyong buhay ay masyadong structured and orderly. (Itutuloy)