Sunday , July 14 2024

PH lalahok sa Rio 2016 Summer Olympics

MAAARING sabihin na patapos na ang panahon ni Manny Pacquiao sa loob ng ring dahil sa kanyang pagreretiro. Ngunit hindi maitatanggi na siya ang mukha ng sports sa Filipinas.

Ang kanyang hindi mapantayang tagumpay sa larangan ng boxing ang nagtaas ng pamantayan sa kalidad ng mga atletang Filipino – ito ang kakayahang mapag-isa ang bawat Filipino tuwing tatapak sa bawat sulok ng ring.

Ngayon, maraming atleta ang sumusunod sa yapak ni Pacman na gustong makapag-uwi ng karangalan sa bansa at patutunayan iyan ng mga lalahok na Filipino sa pinakamalaking pagtitipon ng pinakamagagaling na atleta ng bawat bansa sa gaganaping Rio 2016 Summer Olympics.

Sa papalapit na Rio 2016 Summer Olympics na gaganapin mula 4-21 ng Agosto sa Rio de Janeiro, Brazil, pito na ang nakakuha ng ticket para makalahok sa Olympics.

Sina Rogen Ladon at Charly Suarez na magiging kinatawan ng Filipinas sa larong boxing.

Ang beterang Olympian na si Hidilyn Diaz ay muling sasabak sa larangan ng weightlifting sa ikatlong pagkakataon.

Ang SEA Games gold medalist na si Eric Clay ang lalahok sa athletics para sa Filipinas.

Sa mundo ng table tennis, hindi magpapahuli si Ian Labira dahil siya ang kauna-unahang Filipino na lalahok sa nasabing sports samantala si Kristie Elaine Alora ang tanging susubok makakuha ng medlaya sa Taekwando.

Sa larangan ng larong golf, patutunayan ni Miguel Tabuena na makapag-uwi ng medalya para sa bansa.

Kung basketball ang pag-uusapan, ang Gilas Pilipinas ay naghihintay ng pagkakataon na makakuha ng ticket sa gaganaping Olympics kung mapagtatagumpayan nilang talunin ang koponan ng France, Turkey, New Zealand, Senegal at Canada.

Ang FIBA Olympic Qualifying Tournament ay gaganapin sa Mall of Asia (MOA) Arena mula Hulyo 5 hanggang 10.

Inaasahang marami pa ang mga manlalarong Filipino na makakalahok sa Olympics ayon kay Philippine Olympic Committee (POC) vice president Joey Romasanta.

Noong nakaraang dalawang Olympics, 15 delegado ang ipinadala ng Filipinas sa Beijing 2008 Olympics habang 11 delegado naman ang lumahok sa London 2012 Olympics.

Inaasam ng lahat na masusundan ang medalya ng Filipinas mula sa pilak na medalyang iniuwi ni Mansueto “Onyok” Velasco nang lumahok sa Atlanta Games noong 1996.

( ARIES FALLORINA )

About Aries Fallorina

Check Also

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …

SLP Cavite Wahoo

Blue Wahoos kampeon sa SLP swimfest

Tinanghal na overall champion ang Cavite Blue Wahoos Swimming Club sa katatapos na Swim Battle …

ROTC Games 2024

Garcia, Somera, Hampac pasiklab sa ROTC Games

ZAMBOANGA CITY – Kumalawit ng dalawang ginto sa athletics event si Alec Rowen Garcia habang …

Leave a Reply

Your email address will not be published. Required fields are marked *