This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang hinihinalang tulak ng droga makaraan pagbabarilin ng apat lalaking nakamaskara sa Muntinlupa City nitong Martes ng hapon.
Agad binawian ng buhay ang biktimang si Marlon Oliva, alyas Marlon Tulak, 37, ng Mullet Compound, PNR Site, Brgy. Cupang, Muntinlupa City.
Base sa inisyal na ulat na nakarating kay Muntinlupa City police chief, Senior Supt. Nicolas Salvador, dakong 1:45 p.m. nang biglang dumating ang mga suspek at pinagbabaril ang biktima habang nakatayo sa bahagi ng Mullet Compound, PNR Site sa nabanggit na barangay.
Nang makompirmang wala nang buhay ang biktima, mabilis na tumakas ang mga suspek.
Ayon sa pulisya, kilalang ‘tulak’ ng droga sa lugar ang biktima.
Teorya ng pulisya, posibleng may kinalaman sa droga ang pagpaslang sa biktima.
Patuloy na iniimbestigahan ng pulisya ang insidente at inaalam kung may CCTV sa lugar na makatutulong sa pagtukoy sa mga suspek.
