Tuesday , January 31 2023

Michael ayaw sa bading na nangdadaklot

00 fact sheet reggeeSA nakaraang presscon ng Pare, Mahal Mo Raw Ako ay natanong si Michael Pangilinan kung nakadaragdag ba sa pagkalalaki niya kapag nalamang may gusto sa kanya ang isang bading.

Ang paliwanag ni Michael, “ako minsan mahihiya ka na lang dahil pati ‘yung mga ganoon (bading) nagkakagusto sa ‘yo, eh, sino ba naman ako?  Alam n’yo naman ang gays para magustuhan ka ay may nakitang kakaiba sa ugali mo.

“Sa akin, nakatutuwa ‘yun, hindi lang sa mga babae, pati rin sa mundo ng LGBT, mayroon pa rin pala.”

Nakakadagdag ba ito sa pagiging macho ng isang lalaki? “Hindi sa gym, nadaragdagan (biro ng singer/aktor). Para sa akin, ‘yung macho-macho na ‘yan, bahala na sila kung anong isipin nila, pero masaya ako kasi pati sila nakuha ko ang market nila,” katwiran ni Michael.

Samantala, natanong si Michael kung ano ang reaksiyon niya sa mga bading na hinipuan siya.

“Sa Iloilo, gumanu’n talaga (nadakot), ‘yun ang ayokong bakla, pasalamat siya at hindi ko nahablot ‘yung kamay niya dahil kung nahablot ko, hindi ko alam kung anong magagawa ko.

“Ayoko kasi ng ganoon, malapit at mahal ko ang LGBT, pero once na binastos mo ako, para ka na ring nambastos ng kauri mo. Sabi ko nga, hindi na ‘yung gender ang pag-uusapan, ‘yung ugali mo na, kahit babae o lalaki ka pa, kung bastos ka, iba na ‘yung dating sa ‘yo.

“Kasi ang ayos-ayos ng pakikipag-usap sa kanila tapos, may ganuoon, talagang dakot talaga,”kuwento ng aktor na may muwestra pa.

Paano kung babae ang nangdakot sa pagkalalaki ni Michael? “Ay puwede ‘yun,” birong sabi ng singer/actor.

Samantala, sino ang mas nakatutulong, ang bading o babae sa karera ng isang artista?

“Depende kung sinong bading ang lalapitan mo,”natawang sagot ni Michael.

Sabay amin, “nag-away na kami rati ng manager ko (Jobert Sucaldito), sabi ko, may pribado akong buhay, hindi mo dapat pakialaman, pero hindi ganoon.  Proud ako na nag-away kami at may natutuhan ako, sabi ko nga, kay ‘Nay (Jobert), ‘dapat pala noon pa kita pinakinggan, hindi sana ako aabot roon sa sinabi mo na puwedeng mangyari na nangyari.

“Ang girlfriend naman o partner, hindi naman ‘yan makasisira depende sa sasamahan mo. Kung nakita ng manager mo na wala siyang ginagawang mali o hindi siya nangingialam kung anong mayroon ka sa buhay mo o sa trabaho mo, okay lang naman ‘yun, sabi ko nga, ‘nay (Jobert) kung magkaroon man ulit ako o anuman ang mangyari sa lovelife ko, hindi ko itatago sa ‘yo dahil wala naman kaming gagawing masama sa buhay ko na sabi ko nga, sana noon ko pa inintindi bago pa dumating sa nangyari sa buhay ko talaga.”

Ang sinasabing pagkakamali ni Michael ay ‘yung naging ama siya sa murang edad, pero hindi niya pinagsisihan dahil blessing ang pagdating ng anak niya.

Sa kabilang banda, mapapanood ang Pare, Mahal Mo Raw Akosa Hunyo 8 nationwide mula sa panulat at direksiyon ni Joven Tan na release naman ng Viva Films.

Bukod kina Michael at Edgar ay kasama rin si Ana Capri, Hopia at may special participation si Ms Nora Aunor.

FACT SHEET – Reggee Bonoan

About Reggee Bonoan

Check Also

Dina Bonnevie

Dina nagparinig sa dapat ginagawa sa cake

I-FLEXni Jun Nardo NAGPASARING si Dina Bonnevie sa nakaraan niyang birthday celebration. Isang server ang nagdala ng …

blind item woman

Character actress sa gabi naliligo para itago ang peklat sa hita at binti 

I-FLEXni Jun Nardo SA gabi pala madalas maligo ang isang character actress. Nalaman ang ugaling ito …

Blind Item, Mystery Man, male star

Male star mas feel lagi na sa probinsiya ang booking

ni Ed de Leon MAS gusto raw ng isang bagets na male star na kung sakali at …

Roderick Paulate

Apela ni Kuya Dick sa Sandigang Bayan ‘di kinatigan

HATAWANni Ed de Leon SIGURO nga maraming tao sa showbusiness ang concerned sa kilalang actor …

Sunshine Dizon Ryza Cenon Gabby concepcion Sanya Lopez

Gabby lucky charm nina Sunshine, Ryza, Sanya  

HATAWANni Ed de Leon KUNG sabihin nga nila, isa si Gabby Concepcion sa pinakasikat talagang actor sa …

Leave a Reply