HATAW! D'yaryo ng Bayan hatawtabloid.com
NANINIWALA ang mga fans ni Floyd Mayweather Jr. na muli itong babalik sa ring para lumaban.
Noong Sabado sa paboksing ng Mayweather Promotions sa DC armory na kung saan ay naroon si Floyd hindi maiwasang pag-usapan ang kanyang pagbabalik sa ring ng kasamang ring commentator na si Jim Gray ng Showtime.
“Everyone is asking me, ‘Is Floyd Mayweather coming back?’ Right now, I’m happy being on this side (promoting), but I’ve been talking with CBS and Showtime, and you just never know. But right now, I’m just happy on this side.”
Negatibo man ang sagot ni Floyd sa tanong ng kanyang pagbabalik sa ring—naniniwala ang mga miron ng boksing na naroon parati sa usapang iyon ang tsansang biglang magbago ang desisyon ni Mayweather.
“As of right now, some crazy numbers have been thrown my way — upwards, of course, nine figures,” dagdag pa ni Mayweather. “But I’m truly blessed beyond belief, and I really don’t know what we’re going to do. But right now, I’m really happy being on this side helping fighters.”
Sa punto ng kanilang usapan ni Gray, isiningit pa rin nito ang posibleng laban nila ni middleweight champion Gennady Golovkin, welterweight champion Danny Garcia at ang mananalo sa labang Keith Thurman at Shawn Porter.
Nagawang umiwas ni Mayweather sa huling tanong ni Gray pero naniniwala ang lahat ng nagmamahal sa boksing na ang maliit na tsansang ibinigay ni Floyd sa kanyang muling pagbabalik sa ring ay posibleng lumaki ang maging realisasyon.
