Friday , March 29 2024

Bongbong inendoso ng LP candidates sa Southern Leyte

MAASIN CITY, SOUTHERN LEYTE— Muling nabawasan ng tagasuporta ang pambato ng Liberal Party (LP) makaraan iendoso ng pamilya Mercado ang kandidatura ni vice presidential candidate Ferdinand “Bongbong” Marcos, Jr.

Mismong magkapatid at mag-amang Mercado ang nanguna para ikampanya si Marcos sa mga mamamayan ng Maasin nang bumisita siya rito.

Kabilang sa mga Mercado na nag-endoso at nagtaas ng kamay ni Marcos sina Maasin mayorality candidate Nikko Mercado, kasalukuyang ABC president, congresssional candidate Going Mercado, kasalukuyang gobernador, at govenatorial candidate Mina Mercado, kasalukuyang kongresista.

Ikinatuwiran ng pamilya Mercado, hindi nila maaaring pabayaan si Marcos dahil kanilang kababayan na isang Visaya at Waray.

Nanindigan din ang pamilya Mercado na handa silang tanggapin ang ano mang parusang ipapataw sa kanila ng Liberal Party sakaling malaman ang kanilang pag-endoso at pagkampanya kay Marcos.

Kaugnay nito, hindi inetsapuwera ng Unity Caravan ni Marcos ang mismong baluwarte ng mga Romualdez — ang Leyte.

Buong puwersang nangampanya ang pamilya Romualdez sa kandidatura ni Marcos at ito ay pinangunahan ng kanyang ina na si dating Unang Ginang Imelda Romualdez Marcos, tiyahin na si Juliet Romualdez, na ina ni senatorial candidate Martin Romualdez,  pinsan na si Tacloban Mayor Alfred Romualdez at asawang si Cristina at Yedda Romualdez, may-bahay ni Martin.

Ayon kay VP Marcos, kailan man ay hindi nawala sa kanilang listahan ang Leyte bagkus ay pinaghandaan lamang nilang mabuti.

“We want to save for last,” ito ang sabi ni Marcos kasunod ng palakpakan at hiyawan ng mga mamamayan ng Leyte sa kanilang mainit na pagsalubong.

Iginiit ni Marcos, kailanman, hindi maaaring kalimutan at pabayaan ang sariling bayang sinilangan.

“There is no place like home,” dagdag ni Marcos.

Mismong ang dating unang ginang din ang nagsalita sa pamamagitan ng Waray, sa kanyang mga kababayan para ikampanya hindi lamang ang anak na si Marcos kundi maging si Martin at mga pamangkin na tumatakbo sa Tacloban.

Binigyang-linaw ni Imelda, ang tagumpay ng kanyang anak na si Bongbong at pamangkin na si Martin ay tagumpay ng buong Region 8 at ng bayang Filipinas.

Aminado si Imelda na bagama’t siya ay 86-anyos na at hindi na tinedyer o bata pa ngunit ang kanyang puso ay nanatiling bata para sa pagsisilbi at pamamahala sa bawat mamamayang Filipino.

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *