Saturday , January 29 2022

Kris, deadma sa mga bumibira sa paggamit ng presidential chopper (Dahil sa wisdom of keeping quiet…)

00 fact sheet reggeeHUMINGI na ng saklolo si Kris Aquino sa mga taga-Hagonoy, Bulacan noong Huwebes na roon ginanap ang sortie ng Liberal Party.

Binibira si Kris sa social media dahil sa paggamit niya ng presidential chopper noong Martes, Abril 19 sa isang sortie sa Argao, Cebu.

Kaagad namang ipinagtanggol si Kris ni Presidential Communications Operations Secretary Herminio Coloma Jr. na ipinadala niya sa pamamagitan ng text message sa press corp, ”members of the President’s immediate family are allowed to ride with him in official government vehicles.”

At ayon pa sa report, hindi naman daw sa Argao, Cebu kuha ang mga litrato kundi sa inauguration ng 59-megawatt Solar Power Plant sa Negros Occidental sa San Carlos Ecozone, sa Barangay Punao dahil isinama si Kris ng kanyang kuyang presidente.

Samantala, kinamusta naman namin si Kris at sinagot kami ng, ”hello from Pampanga-going to Bulacan later,” noong Huwebes ng hapon.

At sa report ng Bandila noong Huwebes ng gabi ay humingi na ng tulong si Kris sa mga taga-Hagonoy, Bulacan.

Sabi ng Queen of All Media, ”binubugbog po ako sa social media, sinasabi mapang-abuso raw ang pamilyang Aquino, makapal daw ang mukha namin dahil ginagamit ko raw ang presidential chopper para mangampanya. Puwede bang ipagtanggol niyo ako?

“Ang mga guard na kasama ko, naloka na lang nang sinabi ko maglakad na tayo, dahil nakaHIhiyang paghintayin ang Hagonoy.

“Narinig ko si Leni Robredo ay nagsalita na. Sabi ko, ‘Hindi puwedeng paghintayin ko kayo.’

“Kaya po ako hinihingal, tatlong kilometro po ang nilakad ko.

“Pero ginawa ko ‘yan dahil ang pamilyang Aquino, one hundred percent ang suporta kay Mar Roxas.”

Sa report naman ng GMA 7 news ay ipinagtanggol din ni PNoy ang kapatid.

”Alam naman niyo, noong pagdating ng Martial Law, sino ba ang inasahan namin? Basically ‘yung nanay ko, kaming magkakapatid, okay.

“Itong pagtahak namin na pagkatagal-tagal…Kris was (only) one-year-old when Martial Law was proclaimed.

“So, dumating siya, nagkamalay siya kung kailan dapang-dapa kami bilang isang pamilya.

“Gusto ko namang ipakita sa kanya, ‘Tingnan mo ang resulta na talagang nagiging makabuluhan at may saysay itong demokrasyang ipinaglaban ng mga magulang natin.

“Siguro batid naman ng lahat na isa siya sa pinakamalaking individual taxpayer, okay.

“Ugali ko rin na kunwari mayroong…di ba, kapag kausap natin ang mga negosyante, ang turo natin, ‘May ginawa kayong ganito, may potensiyal na ganyan.’

“Kung kailangang isakay ko sila roon sa helicopter, isakay ko para minsanan ma-dialogue, makita ‘yung vision.

“Whether as an individual taxpayer or somebody who was very close to me, who shared all of the burdens, I think it’s just but proper na i-share naman the successes, share kami sa hirap, share ko na rin iyong success.”

Sa kabilang banda, nangako naman si Kris na deadma na siya sa mga ibibira pa sa kanya ngayon dahil natutuhan na raw niya ang wisdom of keeping quiet.

FACT SHEET – Reggee Bonoan

About Reggee Bonoan

Check Also

Blind Item, Matinee Idol, Mystery Man

Baguhang poging male star nakatanggap ng malaking offer kay dirty old rich gay

HATAWANni Ed de Leon AKALA namin ay hindi bibigay at talagang matino ang isang baguhang poging …

Gladys Reyes Christopher Rojas

Gladys at Christopher dapat tularan (30 taon ng kasal)

HATAWANni Ed de Leon ISIPIN mo 30 years na palang kasal sina Gladys Reyes at Christopher Rojas. Teenager …

NTC ‘di dapat i-bash, pagkuha ng franchise asikasuhin

HATAWANni Ed de Leon ANG ginawang pamimigay ng NTC sa mga dating frequencies ng ABS-CBN sa ahensiya ng Advance Media …

Leni Robredo Boy Abunda

Sa interbyu kay Boy Abunda
VP Leni pinuri sa malinaw at matibay niyang plano para sa bansa

UMANI ng papuri si presidential candidate at Vice President Leni Robredo sa iba’t ibang artista sa pagprisinta …

Mike Defensor

City of Stars itutuloy ni Defensor (‘pag nahalalna mayor ng QC)

SHOWBIZ KONEKni Maricris Valdez Nicasio ITUTULOY ni Cong. Mike Defensor ang matagal ng plano ng namayapang Master …

Leave a Reply