Wednesday , June 19 2024

Jimboy ng Hastags, pangarap magka-MMK

00 fact sheet reggeeMASUWERTE si Pinoy Big Brother 737 big winner, Jimboy Martin dahil hindi na siya nag-audition para mapasama sa Hashtags kundi handpicked siya mismo ni direk Laurenti Dyogi, ABS-CBN Head of TV Production.

Kuwento ni Jimboy, ”sabi ko po kay kuya Zeus, ‘sana sa labas magkaroon tayo ng grupo’, tapos ganoon nga po nangyari sabi ni direk Lauren na may binuo silang male group at kasali raw po ako kaya laking pasalamat ko po na kay direk Lauren.”

Rapper si Jimboy at naipamalas niya ito noong nasa loob siya ng Bahay ni Kuya kaya naman isa ito sa nagustuhan sa kanya ng mga bumoto at ng management dahil walang gumagawa nito sa mga talent ng ABS-CBN.

Tinanong namin si Jimboy kung sino ang sikat sa Hashtags? ”Sa tingin ko po si Ronnie Alonte, pero lahat naman kami kilala ‘pag may show,”sabi kaagad ng binatilyo.

At tulad ni Ronnie, pangarap din ni Jimboy na, ”magkaroon po ako ng ‘MMK’ (din). Ang gusto ko pong maka-loveteam, kahit sino na po kasi lahat mayroon na yata.” At ang showbiz crush niya ay si Maja Salvador.

Samantala, noong pasukin na raw ni Jimboy ang showbiz at nakakabanggaan siko na niya ang mga kilalang artista ay nag-iba raw ang pananaw niya.

Aniya, ”ganito pala. Ganito po pala ang maging artista kasi kapag napapanood sila (pelikula at TV), akala nila madali, pero roon sila nagkakamali kasi mahirap po, sobra. Pero kung ini-enjoy mo naman, hindi ka mahihirapan. Ako po, ini-enjoy ko pa naman ang ginagawa ko kaya hindi ako nahihirapan.”

Ang napanalunang pera ni Jimboy bilang big winner ng PBB 737 ay ibinanko muna niya pero hindi na raw ito buo dahil hinati-hati rin niya  sa mga kapatid niya para naman may sarili silang ipon at mag-iipon na lang uli siya para sa bibilhing lupa na pagtatayuan ng bahay nila sa Nueva Vizcaya.

Kuwento ni Jimboy, ”public land po siya kaya hindi namin alam kung paano at saka nasa paanan po ng bundok, kaya nag-iipon po ako para pambili ng bahay at lupa namin.”

Kamakailan lang ay bumili ng sariling sasakyan si Jimboy na galing sa mga kinikita niya sa TV guestings at mall shows simula noong nanalo siya.

“Nag-ipon po muna ako bago ako bumili ng sasakyan kaya po ‘yung napanaunan ko,” saad ng Hashtags member.

Inuna raw ng binatilyo ang sasakyan para raw may magamit siya pagpunta-punta sa mga show at para may magamit din ang pamilya niya na dumadalaw ng Maynila dahil nga hindi na nakauuwi si Jimboy sa probinsiya nila.

May napanalunang house and lot si Jimboy handog ng Camella Homes at kasalukuyang ginagawa na raw ito sa Bulacan, Bulacan.

“Ginagawa palang po, noong pumunta po kami roon, ayos naman po, pang family na, sa itaas may dalawang kuwarto, tapos sa baba,” say ni Jimboy.

Pero sa pamilya raw niya ito ibibigay para may tutuluyan sila ‘pag lumuwas ng Manila at ang pangarap na bahay ni Jimboy ay pag-iipunan muna niya.

Bongga ang Hashtags dahil may album na rin sila na malapit nang i-launch ngStar Music na produced ni Jonathan Manalo.

FACT SHEET – Reggee Bonoan

About Reggee Bonoan

Check Also

blind item woman

Madir ni sikat na singer namigay ng expired na chocolates 

I-FLEXni Jun Nardo PARTE na ng showbiz ang stage mothers and fathers. Medyo nababawasan na …

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Paolo Contis

Paolo walang bumati sa 3 mga anak noong Father’s Day

HATAWANni Ed de Leon ANG tanungan noong isang araw, binati kaya ng kanyang mga anak …

Onemig Bondoc

Onemig kung ‘di nagkamali ng diskarte baka sikat pa rin ngayon

MAYROONG isang mahilig na mag-post ng mga lumang artista sa social media at noong isang …

Kim Chiu Aileen Choi-Go Sisters Napkins

Kim deadma na sa past relationship, blessings dagsa

PUSH NA’YANni Ambet Nabus DAPAT na lang sigurong deadmahin ni Kim Chiu ang mga isyung may kinalaman …

Leave a Reply

Your email address will not be published. Required fields are marked *