Friday , March 29 2024

Tolentino: ‘Big One’ paghandaan

NANAWAGAN si independent senatorial candidate Francis Tolentino sa nasyonal at lokal na pamahalaan na paigtingin ang paghahanda sa pagtama ng malakas na lindol sa Metro Manila o tinatawag na ‘Big One,’ kasunod ng nangyaring pagyanig sa Japan at Ecuador kamakailan.

“Maigi na tayo’y handa sa ano mang posibleng mangyari dahil ang sakuna o trahedya ay maaaring mangyari ano mang oras,” wika ni Tolentino, na kilalang safety advocate at nagsusulong ng disaster preparedness.

“Hindi nga natin malalaman kung kailan mangyayari ang malakas na lindol ngunit maaari natin itong paghandaan,” dagdag ni Tolentino, na nakiramay din sa daan-daang namatay sa lindol sa Japan at Ecuador.

Kamakailan, tumama sa Japan ang magnitude-7.0 lindol habang nasa 7.8 ang lakas ng pagyanig sa Ecuador.

Sa taya ng mga eksperto, kung ganito kalakas na lindol ang tatama sa mga lugar na dinaraanan ng West Valley Fault, libo-libo ang maaaring mamatay.

“Dapat nating seryosohin ang paghahanda sa lindol dahil dito nakasalalay ang kaligtasan ng marami,” diin ni Tolentino.

Ayon kay Tolentino, malaking papel ang gagampanan ng pamahalaan at mga lokal na pamahalaan sa paghahandang ito.

“Kailangang alam ng ating mamamayan kung ano ang gagawin bago, habang at pagkatapos ng lindol. Malaking bagay ito sa pagdating sa disaster preparedness,” wika ni Tolentino.

Maliban dito, dapat nakahanda na sa mga estratehikong lugar ang mga kailangan kagamitan sakaling may mga gumuhong estruktura upang mas mabilis ang pagliligtas.

Sa panahon ni Tolentino bilang chairman ng Metro Manila Development Authority (MMDA), naging aktibo ang ahensiya sa paghahanda sa lindol.

Si Tolentino ang nanguna sa pagsasagawa ng “Shake Drill” na nilahukan ng mahigit 6,000,000 katao sa Metro Manila at mga karatig-lugar.

Sa panahon din ni Tolentino naglagay ang MMDA ng website na bepreparedmetromanila.com  para sa mga hakbang tuwing may sakuna o trahedya gaya ng lindol.

( NIÑO ACLAN )

About Niño Aclan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *