This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
MASUSING iniimbestigahan ng mga awtoridad ang sanhi ng sunog na ikinamatay ng 7-anyos bata at ikinasugat ng isang sanggol at kanilang ina sa Brgy. Tamaraw Court, Parañaque City dakong hatinggabi kamakalawa.
Naisugod pa ang biktimang si Onyx Garcia sa ospital ngunit agad din siyang idineklarang patay makaraan tangkaing i-revive nang tatlong beses.
Habang nalapnos ang balat sa mukha ng tatlong buwan gulang na kapatid ng biktima na si Chloe, nilalapatan ng lunas sa isang ospital sa Parañaque.
Samantala, isinugod sa San Juan de Dios Educational Foundation Incorporated Hospital sa Pasay ang ina ng mga bata na si Cindy na hanggang sa ngayon ay nasa kritikal na kondisyon.
Base sa inisyal na imbestigasyon ng mga awtoridad, posibleng problema sa electrical wirings ang sanhi ng sunog na umabot lamang sa unang alarma.
Aabot sa P100,000 ang naitalang pinsala ng sunog na nagsimula sa kusina ng bahay sa unang palapag.
