This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
SA isinagawang ika-28 “Oplan Galugad” ng mga tauhan ng Bureau of Corrections (BuCor) sa New Bilibid Prison sa Muntinlupa City, nakakompiskang muli kahapon sa mga inmate ng sari-saring ipinagbabawal na gamit kabilang ang vibrator, sa kabila nang mahigpit na seguridad na ipinatutupad ng NBP.
Naunang pinasok ng mga awtoridad ang mga selda sa minimum security compound at narekober ang anim cellphone, tatlong patalim at ilang appliances.
Sinalakay rin sa operasyon ang mga selda sa Building 2-A sa quadrant 4 sa maximum security compound na kinapipiitan ng mga kasapi ng Commando at Sputnik gang at nakompiska ang apat cellphone, dalawang airsoft gun,15 patalim at ilang pamalo.
Habang natuklasan sa loob ng isang vault ang vibrator sa selda ng hindi pinangalang bilanggo sa naturang gusali.
Maging ang Building 14 na dating selda ng convicted drug lord na si Tony Co, ay sinuyod din ng mga awtoridad at nakompiska ang isang airsoft gun na nakasiksik sa loob ng hagdan, 60 bala ng kalibre .38, .45 baril at 9mm habang 10 bala pa ang nakita sa loob ng isang medyas.
