Saturday , June 15 2024

Magkapatid niluray  ng kapitbahay (Kapalit ng P150)

MAAGANG napariwara ang buhay ng magkapatid na batang babae makaraan halinhinang gahasain ng hayok sa laman na kapitbahay sa Marilao, Bulacan.

Sa ulat mula sa tanggapan ni Senior Supt. Romeo Caramat, officer-in-charge ng Bulacan PNP, ang magkapatid na biktima ay itinago sa pangalang Amy, 8-anyos, at Lucille, 16-anyos, kapwa residente sa Brgy. Sta. Rosa 1, sa naturang bayan.

Habang agad naaresto ang itinuturong suspek sa panggagahasa na si Dante Villan Candelaria, 27, dating naninirahan sa Quezon City at Lambingan, Tanza, Cavite at ngayon ay residente sa lugar na pinangyarihan ng insidente.

Ayon sa ulat, ang unang panggagahasa ay naganap kay Amy dakong 4 p.m. sa loob mismo ng bahay ng tiyahin ng biktima.

Sinasabing nagpunta ang bata sa bahay ng tiyahin para makipanood ng telebisyon habang ang suspek ay nasa sala.

Makaraan ang ilang saglit, tinawag ng suspek ang biktima at inuutusang siya ay imasahe kaya lumapit ang bata.

Sa puntong ito ay minolestiya ng suspek ang biktima sa pamamagitan nang sapilitang pagpasok ng daliri niya sa kaselanan ng bata na hindi nagawang magpagibik dahil sa takot.

Makaraan ang insidente, binigyan ng suspek ang bata ng P50 kasunod ang bilin na lagi siyang bibigyan ng pera basta sumunod lang sa kanyang mga utos.

Habang dakong 5 p.m. nang araw ding iyon, sumunod na ginahasa ng suspek ang nakatatandang kapatid na si Lucille na nakipanood din ng telebisyon sa bahay ng tiyahin.

Sa ulat, napag-alamang habang nanonood ang biktima ay biglang tumabi sa kanya ang suspek kasunod ang pagyakap at paghimas sa kanyang maselang bahagi ng katawan.

Pinilit ng biktima na pigilan ang suspek ngunit nanaig ang lakas ng salarin hanggang nailugso ang kanyang puri.

Makaraan ang insidente ay binigyan ng suspek ang biktima ng P100 kasunod ang pagbabanta na sasaktan kapag may nakaalam ng insidente.

Ngunit hindi natakot si Lucille at isinumbong sa magulang ang ginawang panghahalay ni Candelaria hanggang mabulgar pati ang panggagahasa sa nakababatang kapatid.

Inireklamo ng pamilya sa himpilan ng pulisya ang suspek na agad naaresto at ngayon ay nahaharap sa two counts kaso ng rape sa Bulacan Provincial Prosecutor’s Office.

About Micka Bautista

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *