Sunday , June 16 2024

Pacquiao, hindi pa tapos…

HINIHIMOK ni Timothy Bradley ang Pambansang Kamao Manny ‘Pacman’ Pacquiao na lumaban pa sa kabila ng desisyon na magretiro matapos na talunin siya sa MGM Grand Arena sa Las Vegas nitong nakaraang Linggo.

“He’s far from finished,” punto ng Amerikanong boksingero makaraang pabagsakin ng dalawang beses at talunin sa unanimous decision ng Pinoy boxing icon.

“Manny (Pacquiao) shouldn’t retire” dagdag ng 32-anyos na si Bradley, na binansagan din bilang ‘Desert Storm’ dahil sa kanyang kabangisan sa ibabaw ng ring.

Hindi umubra ang battle plan na binalangkas ng bagong trainer ni Bradley na si Teddy Atlas kung kaya walang duda ang naging panalo ni Pacman.

“He was smarter than I was… I fought the best I could… I wasn’t tired but Manny was always at the right spot,” aniya.

Kung magbabalik ang People’s Champ, may posibilidad na mapalaban siya kay Saul (Canelo) Alvarez ng Mexico para sa World Boxing Council middleweight crown o kay dating World Boxing Association super lightweight champion Adrien ‘The Can Man’ Broner ng Estados Unidos.

Si Alvarez ay haharap kay ‘King’ Amir Khan ng Gran Britanya sa Mayo 7 sa bagong-bagong T-Mobile Arena sa Las Vegas din.

Sa kabilang dako, si Broner nama’y tinanggalan ng ti-tulo matapos lumampas ng kalahating libra sa kanyang timbang nang lumaban kay Ashley ‘Treasure’Theophane nitong nakaraang linggo.

Bukod sa dalawang boksingero, maaari rin mapalaban si Pacquiao sa da-ting karibal na American pound-for-pound king Floys Mayweather Jr.—kung lalabas ang huli mula sa pagretiro.

Sa panayam sa Pambansang Kamao, inamin ng kinatawan din ng lalawigan ng Sarangani na 50-50 siya sa kanyang desisyong tumigil na sa boxing.

“As of now, I’m retired.  ‘Will go home think about it,” anito.

Kung susundin naman ang opinion ng kanyang trainer na si Freddie Roach, nais umano nitong magpa-tuloy si Pacman dahil nagpakita ang kanyang alaga ng dating bilis at husay sa ibabaw ng ring.

“I would like to see him fight again,” punto ng 56-anyos na si Roach.

“Boxing is a difficult sport to quit. I think he (Pacquiao) hasn’t realized that yet. But he will soon,” prediksyon pa nito.

ni Tracy Cabrera

About Tracy Cabrera

Check Also

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

Langoy Pilipinas, arangkada sa MSC sa Hunyo 16

Langoy Pilipinas, arangkada sa MSC sa Hunyo 16

Kasado na ang “Langoy Pilipinas’ Age-Group Swimming Championship sa Hunyo 16 sa Marikina Sports Complex …

Tolentino ROTC Games

Mga atletang kadete ng Philippine Army una sa Visayas Leg ng ROTC Games 2024

NANGUNA ang mga atletang kadete mula sa Philippine Army sa Visayas qualifying leg ng Philippine …

Jirah Floravie Cutiyog Chess

Jirah Floravie Cutiyog nagreyna sa 2024 National Age Group Chess Championships U-16 Girls Elimination FIDE Standard tilt

Dumaguete City — Nagkampeon si Jirah Floravie Cutiyog sa 2024 National Age Group Chess Championships …

Michael Concio Jr Chess

IM Concio, Jr., nagkampeon sa 64th San Carlos Charter Day Open Rapid Chess Tournament

SAN CARLOS CITY — Nagwagi si International Master (IM) Michael Concio, Jr., sa 64th San …

Leave a Reply

Your email address will not be published. Required fields are marked *