This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ang isang barangay chairwoman at kanyang live-in partner gayondin ang limang iba pa sa mga operatiba ng Quezon City Police District (QCPD) sa magkahiwalay na drug-bust operation sa Quezon City.
Sa ulat kay QCPD director, Chief Supt. Edgardo Tinio, mula kay QCPD – District Anti-illegal Drugs Special Operations Task Group (DAIDSOTG) chief, Chief Insp. Enrico Figueroa, ang nadakip na mag-live-in partner ay sina Mariano Duque, 40, at Joycee Reyes, 36, chairwoman ng Brgy. 337, Sta. Cruz, Maynila.
Habang ayon kay Insp. Manuel Ladersa, nanguna sa operasyon, naaresto ang dalawa dakong 11:30 p.m. nitong Abril 3 (2016) makaraang bentahan ni Duque ng P10,000 halaga ng shabu ang pulis na nagpanggap na buyer sa kanto ng Exa-miner St. at Quezon Avenue, Brgy. West Triangle ng lungsod.
Nauna rito, dakong 9:30 p.m., nadakip sa pa-ngunguna ni Sr. Insp. Ramon Castillo, ang lima pa sa pagsalakay sa isang drug den sa Dirham St., Brgy. North Fairview.
Ang naaresto ay sina Jeffrey Espineda, 36; John Carlo Santos, 18; Ryan Dayon, 28; Ruel Decara, 25; at Agira Basa.
Nahuli sa aktong gumagamit ng shabu ang lima at nakompiskahan nang hindi nabatid na ha-laga ng shabu.
