This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KRITIKAL ang kalagayan sa pagamutan ng isang 23-anyos helper makaraan magbaril sa sentido sa loob ng inuupahang bahay sa Tondo, Maynila kahapon ng umaga.
Inoobserbahan sa Gat Andres Bonifacio Hospital ang biktimang si Harold Panuncio, tubong Capiz, residente ng Gate 15, Area D, Parola Compound, Tondo, Manila.
Sa ulat ni PO3 Tom Jay Fallar, dakong 6:45 a.m. nang maganap ang insidente sa loob ng inuupahang bahay ng biktima.
Ayon sa salaysay ni Ronald Ribano, 23, fruit vendor, sabay silang kumakain ng biktima nang walang sabi-sabing dinampot ni Panuncio ang isang kutsilyo, pumasok sa loob ng kanyang kuwarto at ipinad-lock ito.
Kinabahan si Ribano na may gagawing masama ang biktima kaya humingi ng saklolo sa kanilang kapitbahay na si Daisy Tulaan at humiram ng martilyo para sirain padlock ng pinto ngunit bigla silang nakarinig ng putok ng baril.
Sapilitan nilang sinira ang padlock ng pinto at nang mabuksan ay tumambad sa kanila ang duguang biktima na mabilis nilang isinugod sa pagamutan.
Inaalam pa ng pulisya kung kanino ang ginamit na baril at kung ano dahilan ng pagpapakamatay ng biktima.
