Pagpo-post ng mga private picture ng JaDine, all out na

NAGSIMULA nang mag-shoot ng pelikulan sina James Reid at Nadine Lustremula sa direksiyon ni Nuel Naval na produced ng Star Cinema at Viva Films na may titulong This Time.

Bago umalis ng bansa ang JaDine para sa kanilang world tour concerts ay sinimulan na nilang mag-shoot dito sa Pilipinas ng mga eksena at base rin sa pagkakaalam namin ay may mga eksenang kukunan din sa ibang bansa na roon pupunta sina James at Nadine.

Sayang at hindi si direk Antoinette Jadaone ang direktor ng This Time dahil pangarap din niyang makatrabaho sa pelikula ang JaDine.

Anyway,  hanggang ngayon ay talk of the town pa rin ang pagtatapos ng On The Wings of Love noong Biyernes, Pebrero 27 at base naman sa datos ng KantarMedia ay nakakuha ito ng 27.8%.

Sa patuloy na pagsubaybay sa social media nina James at Nadine ay talagang all out na sila sa pagpo-post ng mga pribadong litrato nilang dalawa.

Sa FB account ni Nadine ay ipinost niya ang litratong naka-akbay sa kanya si James habang may hawak na wine glass at may caption na, ”02.11.16″ Ito ang petsang naging pormal na ang kanilang relasyon.

Samantalang si James ay nag-post naman ng, ”happiest man in the world” sa FB account niya ng kuhang ikinasal sila ni Nadine sa pagtatapos ng seryeng On The Wings of Love noong Biyernes, Pebrero 27.

Sinundan pa ng, ”what a love story. I feel so blessed to have found someone to share my life with—my best friend, my soul mate, my destiny, my Leah. This is just the start of our many adventures together. The start of more happy memories. The start of our basketball team. The start of our journey, on the wings of love”

O ‘di ba, saya-saya ng JaDine fans dahil nagkatuluyan ang idolo nila.

( REGGEE BONOAN )