[divider]
TUWANG-TUWA ang buong cast ng #ParangNormalActivity na kinabibilangan nina Kiray Celis, Shaun Salvador, Andrei Garcia, Ela Cruz, at Railey Santiago dahil extended ang programa nila.
Napabalitang hanggang katapusan ng Enero na lang ang #ParangNormalActivity na idinidirehe ni Perci M. Intalan for TV5 na mataas ang ratings at maganda ang feedback.
Bukod dito ay walang katulad ang concept ng #ParangNormalActivity na mala-Nancy Drew Mysteries/Hardy Boys noon nina Shaun Cassidy at Parker Stevenson taong 1977 hanggang 1979.
Oo nga naman, dahil sa #ParangNormalActivity ay napag-aaral ni Shaun ang sarili sa kolehiyo at si Kiray ay bread winner ng pamilya at ito lang naman ang regular show niya dahil wala namang offer sa ABS-CBN.
Si Andrei naman ay may mga show sa ABS-CBN, si Railey din ay kasama sa #hashtag group na regular sa It’s Showtime at si Ella ay may Wattpad series.
Kaya sana dire-diretso na ang PNA tutal naman maganda ang ratings game at kumikita naman kaya walang dahilan para hindi ituloy ng TV5.
FACT SHEET – Reggee Bonoan
