HATAW! D'yaryo ng Bayan hatawtabloid.com
NATARANTA ang OTWOListas sa trailer ng On The Wings of Love na mapapanood simula ngayong linggo na nagkasalubong sina James Reid at Nadine Lustre sa lugar kung saan sila unang nagkita sa San Francisco, USA.
Magkasama kasi sina Nadine at Paolo Avelino sa Sanfo at iniwan si James.
Nagkagulo sa social media ang sumusubaybay sa kuwento nina Clark at Leah, ano raw ba ang ibig sabihin niyon at bakit kasama si Simon sa Sanfo scene.
Bagamat alam naman na magiging happy ang ending nito base na rin sa sinabi ng direktor nilang si Antoinette Jadaone, kailangan lang ng twist sa istorya para abangan ang nalalapit na pagtatapos.
Halata namang sina Clark at Lea pa rin sa huli dahil sa soundtrack nitong Love Will Lead You Back na kinanta ni Taylor Dane sa On The Wings of Love.
Nagtataka rin ang lahat kung bakit itinanggi ni Nadine na wala silang relasyon ni James gayung nahuhuli naman silang sweet kapag off-camera tulad ng kumalat na litrato sa social media na magkatabi ang dalawa sa eroplano na parehong tulog pero magka-holding hands.
Sila kaya ang tinutukoy sa blind item na, “Tiis-tiis muna” dahil bawal aminin ang kanilang relasyon?
FACT SHEET – Reggee Bonoan
