NAGBIGTI ang isang 35-anyos lalaki makaraang makipag-away sa kanyang misis kamakalawa ng gabi sa Malabon City.
Natagpuang nakabigti dakong 6:30 p.m. sa loob ng kanilang palikuran ang biktimang kinilalang si Ronaldo Lingat, residente ng Block 2, Lot 13, Bantay Bayan, Dulong Bautista, Brgy. Panghulo ng nasabing lungsod.
Ayon sa ulat ng pulisya, gagamit sana ng palikuran ang stepson ng biktima na si Sam Federico ngunit hindi ito mabuksan.
Bunsod nito, puwersahan nilang binuksan ang palikuran at pagkaraan ay tumambad sa kanila ang nakabigting bangkay ng biktima.
Patuloy pang iniimbestigahan ng mga awtoridad ang insidente.
