HATAW! D'yaryo ng Bayan hatawtabloid.com
TRENDING ang litratong na-post sa social media na niyakap ni Coco Martin bilang si Paloma Picache si Arjo Atayde as Joaquin Tuazon sa FPJ’s Ang Probinsyano dahil diring-diri ang huli.
Agaw pansin kasi ang caption ng litrato nina Joaquin at Paloma na, “Lumayo ka PALOMA!!! Mahirap na mainlove..’Di ako prepared!!!”
Sa totoo lang tawa kami ng tawa at ito rin pala ang reaksiyon ng bawat makakita ng litrato at binasa namin ang mga reaksiyon ng netizens kaya mas lalo kaming natawa.
May mga nagsabing, ‘Arjo dapat sabihin mo, hindi ako preferred (nagbago ng preference)’ at karamihan ay nagsabing, ‘may bago ng loveteam sa ‘Ang Probinsyano’, ha, ha, ha, ha.’
In fairness, patok na patok si Coco bilang si Paloma kaya mukhang mahirap ng iwan o pantayan ng aktor ang karakter niyang ito dahil lahat ng tanungin namin ay gustong-gusto siya.
FACT SHEET – Reggee Bonoan
