HATAW! D'yaryo ng Bayan hatawtabloid.com
MARAMI nang pinasaya at pinakilig sa limang unang season ang Wattpad Presents sa pamamagitan ng pagtatanghal ng mga masasayang kuwento ng pag-ibig na tinatampukan ng iba’t ibang bituin.
Ngayong 2016, inihahandog ang Wattpad Presents mula sa Viva Communications Inc. at TV5 sa bagong season na matutunghayan simula Sabado, Pebrero 6, 9:00-10:30 p.m..
Unang matutunghayan sa Wattpad Presents ang Avah Maldita ni Simple Chummy na pagbibidahan ni Ella Cruz. Makakasama niya rito si Akihiro Blanco. Ito’y isinulat ni Koko Joven.
Isusunod naman agad dito ang Mysterious Guy at the Coffee Shop ni JC Quin. Bida rito sina Yassi Pressman at Vin Abrenica. Mapapanood ito sa Pebrero 13 na isinulat ni Butch Concepcion.
Exciting naman ang kasunod na tampok na istorya sa Wattpad, ito ang My Soul is from Another Planet ni Amor Filia na pagbibidahan ni Bianca King.
Aliw din ang kuwento ng My Casanova Husband na tampok naman si Meg Imperial.
Kaabang-abang din ang mga susunod na episodes ng Wattpad Presents: MarsValena’s Mr Cold Heart Breaker; Yilin04 (Bookware)’s Weight for Love; Jhing Bautista’s The Filthy, Rich Bitch; at Vampiremims (LIB)’s Cupid’s Bedmate.
Bukod sa Wattpad Presents, handog din ng Viva ang MTV Top 20 Pilipinas na mapapanood tuwing Sabado ng gabi. Ito ay 2-hour weekly program na nagtatampok sa pinakamaiinit at pinaka-hit na Top 20 OPM songs sa bansa base sa requests ng mga tagapakinig at radio airplay.
Ito ay iho-host ni VJ Aryanna.
SHOWBIZ KONEK – Maricris Valdez Nicasio
