This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
TINIYAK ng mga kandidato sa pagkapangulo at bise presidente na dadalo sila sa itinakdang debate ng Commission on Elections (Comelec) at Kapisanan ng mga Brodkaster ng Pilipinas (KBP) kaugnay ng nalalapit na halalan.
Ayon kay KBP National Chairman Herman Z. Basbaño, halos lahat ng mga kandidato sa pagkapangulo at pangalawang pangulo ay nagbigay na ng katiyakan sa Comelec-KBP na dumalo sa debate.
Maliban na lamang aniya kina Davao City Mayor Rodrigo Duterte at Sen. Miriam Defensor-Santiago na kakausapin pa ng kanilang mga kinatawan makaraan ang pagpupulong sa Comelec.
Nabatid na dumalo ang mga kinatawan ng mga kandidato sa Comelec kahapon kasama ang KBP para pag-usapan ang panuntunan sa gaganaping debate.
Magsisimula ang debate sa Pebrero 21 sa Cagayan de Oro City, susundan sa Visayas at Luzon.
