Wednesday , August 17 2022

Kapalpakan ng DOTC kanino isisisi?

Bato BalaniANONG klaseng Presidente si Noynoy Aquino? Aba’y mga ‘igan, limang buwan na lamang at bababa na ang ‘Mama’ sa kanyang puwesto’y mukhang namanhid na ang buong katawan sa katotohanan, partikular sa totoong nangyayari sa mga Boss n’ya, ang katarantaduhan sa Metro Rail Transit (MRT) at Light Rail Transit (LRT), na lumikha at lilikha pa ng malalaking perhuwisyo at abuso sa taong bayan! Pero, ‘deadma’ lang si Pnoy, samantala tuloy–tuloy naman sa kanyang kapalpakan si Department of Transportation and Communication (DOTC) Sec. Joseph Emilio PABAYA ‘este’ Abaya!

Tunay nga bang sakripisyo ang pabaon ni PNoy sa mga  tinatawag n’yang Boss n’ya? Ano’t hindi n’ya mapatalsik si Pabaya ‘este’ si Abaya na sa kanya humuhugot ng lakas at kapal ng mukha?

Sus ginoo…    

Ayon sa aking ‘Pipit’ mga ‘igan, may walong beses na sa buwang ito, na nagkaroon ng aberya ang MRT na ‘yan, na lagi na lamang may nakakabit na perhuwisyo sa tuwing aandar. Kung kaya’t, hayun…nganga na naman ang mga ‘Boss’ ni PNoy. He He He…Ang tanong, bakit hinahayaang mangyari ito nang paulit–ulit sa tao? Hindi ba masosolusyonan ito nang hindi na maulit pang muli? Hindi na ba talaga nakararamdam ng awa ang gobyerno lalo na ang DOTC sa mga pasaherong biktima ng nasabing isyu?

Minsan nang nagtaas ng pasahe ang MRT, walang pumalag dahil sa hagad na pagbabago. Ngunit, dahil walang pagbabagong nagaganap hanggang sa kasalukuyan, pumapalag na ang taumbayan! Ano at sino ba ang solusyon? ‘Talsikan Blues’ at si Abaya ang solusyon! Ang pulso at ang sigaw nga ng bayan… “Patalsikin si Pabaya ‘este Abaya!” Tama na, Tuldukan na! Kapalpakan sa DOTC sa kanya dapat ISISI.          

Tulong–medikal ni Lim patok sa Maynila

TULOY–TULOY at walang pagod na ibinabahagi ni dating Manila Mayor Alfredo S. Lim ang kanyang “Tulong Medikal” sa mga Manilenyo, partikular sa mahihirap nating mamamayan. Isa sa mga nabibigyan n’ya ng pansin ay mga Senior Citizen at Person With Disability (PWD), na pinagkakalooban n’ya ng libreng “wheelchair.”

Ayon sa pulso ng aking ‘Pipit,’ iba pa rin talaga ang karisma ni “Ka Fred Lim” sa mga Manilenyo. Tunay na kakaiba kompara umano sa kanyang mga katunggali.

Dahil kilala si “Ka Fred Lim” na “Ama ng Libreng Serbisyo,” gustong muling maramdaman ng Sambayanang Manilenyo ang tunay na libreng serbisyo ni LIM. ‘Yung mga Lim-breng ‘este’ libreng Ospital sa Maynila noong kanyang administrasyon na libre ang pagpapagamot may kasama pang libreng gamot; ‘yung libreng paaralan sa Maynila para sa libreng edukasyon ng mga kabataan partikular sa kolehiyo. Alam kaya nila na si “Ka Fred Lim” ang nagpatayo ng mga libreng ospital sa District 1–6 ng Maynila at ang sinasabi nilang libreng Paaralan? Siya nga at wala ng iba pa!

Nawa’y huwag magpadala sa napapabalitang “Boto mo, Bilhin ko” sa kalakhang Maynila sa darating na Eleksiyon. Boto mo’y mahalaga at makatutulong sa pag–angat at pagbabago ng iyong buhay. Si District V Barangay Chairman Jimmy Adriano, na isang tapat at masigasig na “Public Servant,” at si District VI Barangay Chairman Caloy Castañeda, na walang humpay din sa kanyang paglilingkod lalo na sa mahihirap, ay mga tunay na lingkod bayan inyong maaasahan at kaagapay ninyo tungo sa pag–unlad ng inyong buhay sa Barangay. 

About Johnny Balani

Check Also

Dragon Lady Amor Virata

Live selling sa Facebook bawal na!

Isumbong mokay DRAGON LADYni Amor Virata SIMULA sa 1Oktubre ng taong kasalukuyan, aalisin na at …

Sipat Mat Vicencio

Si FPJ at ‘Ang Probinsyano’

SIPATni Mat Vicencio SA DARATING na Sabado, Agosto 20, ipagdiriwang ang ika-83 birth anniversary ng …

FIRING LINE ni Robert B. Roque, Jr.

‘Di holiday ngayon; tanungin n’yo pa si JPE

FIRING LINEni Robert B. Roque, Jr. SINITA ng Commission on Audit (COA) ang Department of …

AKSYON AGAD ni Almar Danguilan

‘Wag naman…

AKSYON AGADni Almar Danguilan MATINDI ba ang galit mo kay Quezon City Mayor Joy Belmonte? …

Sipat Mat Vicencio

Mga sama ng loob ni Imee

SIPATni Mat Vicencio KUNG meron mang pinakamalungkot na nilalang sa balat ng lupa ngayon, walang …

Leave a Reply