ISA ang clinic sa GMA sa mga huling pinuntahan ni Kuya Germs Morenobago siya pumanaw noong January 8, Biyernes ng madaling araw.
Kuwento sa amin ni Ms. Rose, head nurse roon, ”Nagpalinis pa si Kuya Germs ng ngipin (oral prophylaxis) ilang araw before he died.”
Halos araw-araw raw ay nasa klinika ang tinaguriang Master Showman,”Kaya nagtataka kaming mga staff dito na today, eh, hindi siya pumunta,”ani Rose na nakausap din namin that same day, ”Wala naman kaming ka-idea-idea na may nangyari na pala. Wala kasing senyales.”
On our way out of the clinic, naulinigan namin ang dalawang talent ng GMA, ”Hindi na natin makikita rito si Kuya Germs na naka-wheelchair,” malungkot na sabi nito sa matamlay ding kausap.
Dahil paakyat kami sa ikasiyam na palapag ng GMA building, mula sa mga taong nakapila sa lobby waiting for their elevator ride hanggang makaakyat sa kani-kanilang destinasyong tanggapan ay si Kuya Germs ang malungkot na paksa nila.
HOT, AW – Ronnie Carrasco III
