HATAW! D'yaryo ng Bayan hatawtabloid.com
ISA pang loveteam ang gusto ring mapansin ay ang tambalang Julia Barretto at Kenzo Gutierrez na may fans na ring sumusuporta sa kanila sa serye nilang And I Love You So kasama sina Inigo Pascual at Miles Ocampo.
Mukhang magki-click naman ang dalawa lalo’t may nakaraan sila noong mga bagets pa base na rin sa kuwento ni Kenzo noong nasa loob pa siya ng PBB House bagay na ikinagulat ng lahat dahil malaking revelation ito.
Si Inigo ang alam naming makaka-loveteam dapat ni Julia, pero sa pagpasok ni Kenzo sa And I Love You So ay sila na ang magiging forever at ang anak ni Piolo Pascual ay si Miles na ang makakapareha.
Half sisters sina Miles (Joanna) at Julia (Trixie) sa kuwento ng And I Love You So at hindi sila magkasundo kaya sa bawat masamang nangyayari sa bawa’t isa ay isa sa kanila ang pinagbibintangan.
Tulad sa tumatakbong kuwento ngayon ng And I Love You So na si Trixie (Julia) ang pinagbibintangan ng tao na lumason sa half-sister niyang si Joanna (Miles).
Pagkatapos ng biglaang pagkahimatay ni Joanna sa kasal ng kanyang mga magulang na sina Michelle (Dimples Romana) at Alfonso (Tonton Gutierrez), kumalat ang balitang nilason ni Trixie si Joanna at naging usap-usapan sa kanilang unibersidad.
Ngunit sa kanyang hinala na si Katrina (Angel Aquino) ang may sala sa pagkakalason ni Joanna, nagsagawa ng imbestigasyon si Alfonso upang mahuli at pagbayarin ito sa ginawa.
Tutukan ang mga kapana-panabik na eksena sa And I Love You So, tuwing hapon sa ABS-CBN.
FACT SHEET – Reggee Bonoan
