Friday , March 29 2024

Korina, sinadya si Pia sa NY para sa one-on-one interview

010716 korina pia wurtzbach

00 SHOWBIZ ms mGRABE talaga ang pagka-workaholic ni Miss Korina Sanchez. Biruin n’yo kahit Christmas season, sige pa rin ito sa pagtatrabaho. Sinadya pa pala ng magaling na TV host ng ABS-CBN ang Miss Universe na si Pia Wurtzbach sa New York para mainterbyu.

Kung ang iba’y naglilibang-libang at pagsasaya ang ipinunta sa ibang bansa, hindi iyon ang sinadya ni Ate Koring. Kasama ang kanyang Rated K team at umarya sila sa NY para nga gawin ang istorya nila ukol kay Pia.

“Si Pia lang ang isa sa stories na ginawa niya roon. Si Pia ang highlight pero may iba pa siyang istoryang ginawa roon,” tsika ng ni Chuck Gomez, publicist ni Ms. K. “Maganda ang episode ng ‘Rated K’ this Sunday. Kaya sa buong tropa, sabay-sabay nating tutukan si Ate Koring sa ‘Rated K’ ngayong Linggo ng gabi!” giit pa ni Gomez.

Hindi naman daw kasama ni Ate Koring si Kuyang Mar Roxas sa nasabing trip sa NY. Sa mga larawang aming nakalap pawang mga taga-ABS-CBN2 nga ang nakita naming kasama ni Ate Koring.

“Hindi po ka-join si Sir Mar. Crew po niya sa ‘Rated K’ ang kasama niya and isa sa mga dapat abangan ngayong Linggo ng gabi ay ang exclusive sit-down interview niya with Pia,” giit pa ni Gomez.

Sa mga picture namang aming nakalap nariyang kasama niya sa isang elevator sina Direk Erick Salud,  Mother Biboy Arboleda ng Dreamscape Entertainment, Pam Pamintuan etc.. ”Here we are, mostly Pinoys from ABS-CBN, parang sardinas in an elevator going up to interview Miss Universe Pia Wurtzbach in a hotel in New York, yeeeheeee we are all excited!” ayon sa caption ni Ms. Koring.

May mga larawan din silang dalawa ni Pia gayundin nina Dyan Castillejo,Val Cuenca, at Don Tagala, ABSCBN NY Correspondent.

“Pia is smart, witty, kalog and fun. Not difficult at all interviewing her. She has many interesting stories to tell!,” sambit ni Korina.

“And with Miss Universe Pia! I asked her: ‘mabigat ba ‘yang crown? Totoo ba ang mga diamond? Has PNoy called you up yet? Are you still friends with Miss Colombia?” ito ang mga ilang katanungang dapat nating abangan sa one-on-one interview ni Ate Koring kay Pia na mapapanood ngayong Linggo sa Rated K.

SHOWBIZ KONEK – Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *