This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
UMABOT sa 92 pellets ng cocaine ang nakuha mula sa tiyan ng isang Venezuelan drug mule na inaresto sa Ninoy Aquino International Airport (NAIA) terminal 2.
Tumitimbang ng 1.1 kilograms at may street value na tinatayang P6.6 milyon, ang pellets ay dala ng isang Andres Rodriguez, 39, pasahero ng Philippine Airlines flight PR657 na dumating nitong Disyembre 13 mula sa Abu Dhabi, United Arab Emirates.
Ayon kay Lt. Sherwin Andrada, executive officer ng Customs Anti-Illegal Task Force, nakatanggap ng impormasyon ang NAIA anti-illegal task force nitong nakaraang buwan mula sa kanilang counterpart sa abroad na nagsabing may isang pasahero mula sa South America ang magdadala ng cocaine sa Filipinas.
Aniya, nagpulong ang joint task force na kinabibilangan ng Bureau of Customs, Bureau of Immigration, Philippine Drug Enforcement Agency, Philippine National Police, at Office for Transportation Security, Manila International Airport Authority, na nagsimulang magsagawa ng operasyon mula noong buwan ng Nobyembre hanggang dumating ang suspek nitong Disyembre 13.
Walang nakita ang mga awtoridad sa bag ni Rodriguez maliban sa condom at laxative tablets. Ngunit hindi naman nakalusot sa drug-sniffing dogs dahil inupuan siya ng mga aso na isang indikasyon na mayroong kontabandong dala ang pasahero.
Habang iniimbestigahan si Rodriguez, napansin nila na hindi mapakali kaya dinala nila sa Philippine General Hospital (PGH) para doon isailalim sa physical examination at x-ray test.
UMABOT sa 92 pellets ng cocaine ang nakuha mula sa tiyan ng isang Venezuelan drug mule na inaresto sa Ninoy Aquino International Airport (NAIA) terminal 2.