Friday , March 29 2024

Vhong, may bodyguard ‘pag lumalabas

110515 vhong navarro
KAPANSIN-PANSING may dalawang  bodyguards si Vhong  Navarro na umaali-aligid sa kasagsagan ng presscon ng BuyNow, Die Later. Nandiyan  pa rin ang takot niya pagkatapos  ng nangyari sa kanila sa grupo nina Cedric Lee at Deniece Cornejo. Mas maige na  rin  daw ‘yung  nag-iingat.

“Kasi alam naman natin ang panahon ngayon, hindi natin alam, ang tao ngayon, ‘pag pinapatay, parang ipis na lang, eh, di ba? Mahirap, eh,” deklara niya.

Hindi pa rin natatapos ang kaso nila ni Lee at grupo nito na matatandaang itinuro niyang nambugbog  umano sa kanya.

Tinanong si Vhong kung ready na ba siyang makipag-areglo?

”Hindi po ako makikipag-ayos,” diretso niyang sagot.

Kaya ba niyang magpatawad?

”Sa ngayon kasi, ang hirap magpatawad na ikaw pa ang binabaliktad. Paano mo patatawarin ang isang tao kung ikaw pa ang binabaliktad, ikaw pa ang masama? Kaya ko naman sila patawarin kung hindi nila pinalalabas na ako pa ang masama,” sambit niya.

Tungkol naman sa It’s Showtime wala siyang update kung totoong sisibakin ito sa February.

“Sa amin, wala naman pong sinasabing ganoon. Kami po kasi, pumapasok kami para makapagpasaya ng tao, ibinibigay lang po namin kung ano po ‘yung kailangan sa amin ng solid Showtimers o ‘yung mga nasa bahay na nanonood, binibigay lang po namin ang best namin. Sumusunod lang po kami sa pinagagawa sa amin.

“Pero ‘yung sinasabi nilang hanggang Feb, ako po, hindi ko pa po naririnig, honestly. Kung sakali na hanggang Feb. huwag naman po. Kasi ang tagal na rin, eh, seven years ongoing, basta nandito lang naman kami, kung anong kailangan naming gawin para madagdagan or magbigay-saya,” bulalas niya.

Anyway, focus muna siya sa horror-comedy  movie niyang Die Now, Pay Later na prodyus ng  Quantum Films, MJM Productions, Inc., Tuko Film Production, at Buchi Boy Films.

Kasama rin ni Vhong dito sina Alex Gonzaga, John Lapus, Rayver Cruz, Lotlot de Leon, Janine Gutierrez, at TJ Trinidad mula sa direksiyon ni Randoplh Longias.

Havey!

TALBOG – Roldan Castro

About Roldan Castro

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *