HATAW! D'yaryo ng Bayan hatawtabloid.com
NAALIW kami sa deklarasyon ni Derrick Monasterio na mas marami na silang fans ngayon ni Bea Binene kaysa kay Jake Vargas. Niluluto ng GMA 7 ang pagtatambalan nilang teleserye.
Hindi na siya apektado sa mga basher niya.
“Dati pa po akong bina-bash pero okay lang. Ngayon mas dumami na ‘yung fans namin ni Bea kaysa fans nila ni Jake. Yes! Mas marami ng magtatanggol sa amin,” tumatawa niyang pahayag sa contract signing niya sa GMA Records.
Aminado siyang niligawan niya rati si Bea. Binasted ba siya?
“Hindi naman ako binasted. Ano lang, parang nawalan lang kami ng gana sa isa’t isa,” katwiran niya sabay tawa.
Dahil doon ay nakasingit si Jake.
Liligawan ba niya ulit si Bea?
“Puwede po!”
Gaano sila ka-close ni Bea ngayon?
“From one to ten? Ten po! As in ano, parang ma-ano na talaga, kumbaga wala na kaming secrets sa isa’t isa.”
Hindi pa sila MU?
“Ah hindi pa. Mga dalawang kembot, dalawang tumbling, mga ganoon.
“Malayo-layo pa,”pakli ng binata.
Pero inamin din niya na na-hurt siya na si Kristoffer Martin ang nasa plan na last dance ni Bea noong debut nito. Pero napunta rin kay Alden Richards dahil na-late sa first dance.
TALBOG – Roldan Castro
