Malalim na friendship nina James at Bret, pinagdududahan

NAKAWIWINDANG din na pinagdududahan ang malalim na friendship ninaJames Reid at Bret Jackson.

“Sorry to disappoint, but we are not gay!,” deklara ni Bret sa presscon ng pelikulang Angela Markado na showing ngayong Disyembre 2.

Pinagtatawanan lang nila ni James ang umanoy’ gay relationship issue nila. Hindi raw ba puwedeng ang dalawang lalaki ay maging matalik na magkaibigan at hindi lalagyan ng label ng kabaklaan? Hindi naman daw sila against sa men to men na relasyon at nirerespeto nila ‘yun.

Simula pa noong magkasama sila sa Pinoy Big Brother ay magkaibigan na sila at hindi dapat lagyan ng malisya ‘yun. Nakasisiguro raw sila na babae ang trip nila.

Hindi raw nagbago si James kahit sikat na. Minsan nga raw ay natutulog ito sa kanila ‘pag may ASAP siya dahil nasa QC lang siya nakatira samantalang sa Makati pa si James.

May isyu rin na playboy silang magkaibigan at mas mabuti na ‘yun kaysa gay issue. Basta magkaiba ang tipo nila ni James sa babae. Morena na may pagka-skinny ang type ni James at siya naman ay short girls. Hindi raw sila mag-aaway pagdating sa babae dahil magkaiba ang gusto nila.

Talbog!

TALBOG – Roldan Castro