Singer na iniisnab-isnab ng recording company, hinahabol ngayon dahil sa pagpatok ng mall show

NAALIW ang talent manager sa isang recording company na biglang naging interesado ngayon sa alaga niya dahil patok ang nakaraang mall show nito at umabot na sa gold record ang album.

Kuwento mismo ng talent manager tungkol sa recording company, ”nakakatawa lang sila (head ng recording company) kasi rati hindi nila pinapansin si (singer), inilapit ko sa kanila, deadma sila.

“Kaya naghanap ako ng producer ng album at ngayong nakahanap at okay ang result lahat ng record sales at mall shows, bigla akong tinawagan at sinabi willing nilang i-produce ng show si (singer)? Ano ‘yun?

“Puwede naman naming i-produce si (singer) ng show niya at may producer na kaming nakuha.

“Nakakaloka lang sila, noong una ayaw nila kasi ayaw nilang sugalan, ngayong may sumugal, at saka sila papasok, nakakahiya naman sa producer na nagtiwala sa alaga ko.”

Sabi namin sa kausap naming talent manager, ‘ganoon talaga business is business’ tama ba Ateng Maricris?

As of now ay going Platinum na ang album ng alagang singer ng nasabing talent manager na at saka na namin papangalanan, ha, ha, ha, ha.

( Reggee Bonoan )