This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang lalaking mestiso makaraang pagsasaksakin ng kinakasamang private tutor makaraang magtalo kamakalawa ng hapon sa Caloocan City.
Hindi na umabot nang buhay sa Dr. Jose N. Rodriguez Memorial Hospital ang biktimang kinilalang si Alejandro Calza Jr., 25, ng Phase 9, Package 6, Block 68, Lot 37, Brgy. 176, Bagong Silang ng nasabing lungsod.
Habang tinutugis ng mga awtoridad ang suspek na si Glenda Villanueva-Domingo, 33, live-in partner ng biktima, mabilis na tumakas makaraan ang insidente.
Batay sa ulat ni SPO2 Allan Budios, dakong 4 p.m. nang maganap ang insidente sa loob ng inuupahang bahay ng mag-asawa.
Ayon kay Senior Supt. Bartolome Bustamante, palaging sinasaktan ng biktima ang suspek kapag lango sa alak kaya marahil ay napuno na ang babae.
Sa salaysay ng ilang kalugar, narinig nilang nagtatalo ang dalawa hanggang makita nilang humahangos palabas ang duguang biktima na pagkaraan ay bumagsak.
Kasunod na lumabas ang suspek na may dalang patalim at mabilis na tumakas.
