Ari ng 2-anyos namaga sa daliri ng tambay

NAMAGA ang ari ng isang 2-anyos paslit makaraang daliriin ng isang tambay sa Tambunting St., Sta. Cruz, Maynila.

Nalaman ng ina ng biktima na si Joan, ng Interior 7, Tambunting St., Sta. Cruz, Maynila, na minolestiya ang anak na si Lorie, 2-anyos, ng suspek na si Rodolfo Arevalo, 40, ng 1282 Interior 10, Tambunting St., Sta. Cruz, Maynila, nang magreklamo ang bata na masakit ang kanyang ari habang hinuhugasan.

Ayon sa mga kapitbahay, madalas nilang makita ang suspek habang nilalaro ang ari ng biktima habang nakaupo ang bata sa bintana, at naglalaba ang ina.

Anila, kapag nilalapitan nila ang suspek ay biglang umaalis at nagtatago.

Nitong Nobyembre 9, dakong 7 p.m. muling nakita ang suspek na hinawakan ang ari ng paslit ngunit nang mapansin ay mabilis na umalis.

Gayonman, nang hinuhugasan na ang bata, napansin ni Joan na namamaga ang ari at ayaw pahawakan dahil nasasaktan.