This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
SINIBAK ni Pangulong Benigno Aquino III ang opisyal ng Housing and Urban Development Coordinating Council (HUDCC) na sinasabing kasabawat ni Vice President Jejomar Binay sa maanomalyang transaksiyon ng Boy Scouts of the Philippines (BSP) sa Alphaland Corp.
Itinalaga ni Pangulong Aquino si Jose Alejandro Payumo bilang deputy secretary general ng HUDCC kapalit ni Wendel Avisado.
Si Avisado, senior vice president ng BSP, ay inakusahan ng ‘conflict of interest’ ng Senate Blue Ribbon Committee na nagsiyasat sa mga alegasyon ng korupsiyon laban kay Binay.
Hinirang din ni Aquino si Fredelita Guiza bilang kapalit ni dating Sen. FRancis Pangilinan bilang presidential assistant on food security and agricultural modernization, makaraang magbitiw upang tumakbong senador sa ilalim ng Liberal Party (LP).
Bukod kay Guiza, nagtalaga rin si Aquino ng 22 appointees sa iba’t ibang ahensiya ng gobyerno sa kabila na walong buwan na lamang ang natitira sa termino niya sa gobyerno.
