NAKALIPAD pa-South Korea ang host-comedian cum actor-singer na si Arnell Ignacio para sa show nila roon ni Jaya kasama ang muntik ng maunsiyami sa kanyang pag-guest doon na ex-future ex ni Arnell na si Ken Psalmer na hindi pa nakapagbigay ng kanyang pahayag tungkol sa reklamo ni Tita Daisy Romualdezsa pagka-panalo nito sa Eat…Bulaga! over Tina Paner sa Broadway Pa More.
Ang point ng nanay ni Tina, hindi naman daw singer si Arnell kaya bakit ito ang nanalo? Eh, mismong mga tao raw sa studio nagsabi na si Tina ang ibinoto nila. Itinuturo pa ni tita Daisy na malamang, kaya rin nanalo si Arnell eh, dahil nandoon nga si Allan K!
Mabuti na lang, napasaya ng mga bagong sulpot sa mundo ng showbiz na sinaKikay at Mikay si tita Daisy sa kanilang performance. Malamang naalala ni tita Daisy si Tina nang nagsisimula pa lang ito.
Inintindi na lang namin ang Lola niyo. Baka nga tawanan din lang ito ni Arnell kapag nalaman niya!
HARDTALK – Pilar Mateo
