Baron, naaksidente

NAAKSIDENTE raw si Baron Geisler habang minamaneho ang itim na Fortuner kahapon ng 4:00 a.m. sa may Imelda Avenue, Pasig City.

Ayon sa report ng DZMM, wasak ang kanang bahagi ng SUV ni Baron nang makipaggitgitan ito sa isang truck na may plate number na RJA 151.

Hindi naman nasaktan si Baron at nadesmaya lamang siya sa mabagal na pagtugon ng mga awtoridad.

Ani Baron sa kanyang Instagram  account, “the investigator is busy with something else.”

“It’s been more than an hour and no Pasig investigator has showed up despite several calls to the police station. A traffic enforcer came and 2 police officers came but they cannot investigate the matter. They are saying that the investigator is busy with something else. I am very disappointed at the response I am getting in this emergency situation,” anang aktor.

Ani Baron sa report ng abscbnnews.com tinatahak niya ang Karangalan sa Pasig City nang may isang 16-wheeler truck na mabilis ang takbo ang bumangga sa kanya. Nanggaling daw ang actor sa taping at pauwi na nang maganap ang aksidente.

SHOWBIZ KONEK – Maricris Valdez Nicasio