Alden, walang reklamo nang dumugin ng fans

TALAGANG sikat na sikat na nga si Alden Richards.

Napanood namin ang isang video niya matapos mag-perform at talaga namang pinagkaguluhan siya.

Ewan kung paanong nasundan si Alden ng fans niya sa backstage. Talagang pinagkaguluhan siya, dinumog ng kanyang mga tagahanga. Napasandal nga siya sa pader at parang nasaktan siya sa video. Tila walang nagawa ang bodyguards na nakaalalay sa kanya dahil maraming fans ang nakalapit sa kanya.

Maririnig nga sa video na tinanong si Alden ng isang bodyguard kung nasaktan siya. Wala namang reklamo ang binata, ganoon siya kabait.

Say nga ng isang fan, ”kalma kalma nga fans, alam ko mahirap kumalma kpag nasa harap si bae, pero wag nman to the point na masaktan sya. #justsaying lahat nman ginagawa nya to please us. kalma spread the love.”

“Ay grabe nmn kc ang ibang fans, paunawa PO Tao din si bae Alden nasasaktan phisically,sana maging masaya na tau makita xa ng personal wag ng lamutakin,” sabi naman ng isang Alden supporter.

Hindi na talaga maabot si Alden. Kahit saan siya magpunta ay napupuno ang venue tulad na lang ng mall tour niya sa  Pampanga at  Imus, Cavite. Talagang wala na halos paglagyan ng tao sa rami ng nanood ng performance niya.

UNCUT – Alex Brosas