This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang 39-anyos negosyante makaraang pagbabarilin ng hindi nakilalang suspek habang patungo sa eskuwelahan ng kanyang anak sa Navotas City upang sunduin kamakalawa ng hapon.
Agad binawian ng buhay ang biktimang kinilalang si Melvin Cruz, residente ng Pat De Asis St., Brgy. San Roque ng nasabing lungsod, sanhi ng mga tama ng bala ng hindi nabatid na kalibre ng baril sa iba’t ibang bahagi ng katawan.
Tinugis ng mga awtoridad ang suspek na tumakas makaraan ang insidente. Batay sa ulat ng pulisya, dakong 3:30 p.m. nang maganap ang insidente ilang metro ang layo sa Adventist Elementary School sa Gov. Pascual St., Brgy. Daanghari ng nasabing lungsod.
Sakay ang biktima ng kanyang bisekleta upang sunduin ang kanyang anak na nag-aaral sa nasabing lugar nang sumulpot mula sa likuran ang suspek at siya ay pinagbabaril.
