HATAW! D'yaryo ng Bayan hatawtabloid.com
STILL no talkies pero nagkita na nang harapan noong Sabado sa kalyeserye ng Eat Bulaga, the world eagerly waited for Alden Richard and Yaya Dub na magyakapan pero naudlot ito dahil sa bumagsak na pader sa kanilang gitna na pakana na naman ni Lola Nidora.
Kung bakit patuloy pa ring nangangabog ang AlDub ay may paliwanag si Joey de Leon. “Ang tawag ko riyan, eh, regalo,” sey ni Tito Joey kung bakit hindi ito binibitiwan ng mga manononood sa noontime slot, Mondays to Saturdays.
“Regalo in the sense na hindi namin ‘yon hiningi, basta ibinigay na lang. At hindi namin ‘yon inaasahan,” aniya.
Maging sila raw nina Tito at Vic Sotto are clueless kung ano ang magaganap sa bawat araw. “Ayoko ngang malaman kung ano ang mangyayari, eh. Pero tulad niyan na nagkita na sina Alden at Yaya Dub, sabi ko, all the more na kailangan nating i-hold ang audience.”
Ang ibig sabihin ni JDL by holding the audience ay, “May patakaran sila na bawal magkasakit. Kasi, noong minsang wala si Wally (Bayola), instant change ang nangyari. Pinagbihis si Paolo (Ballesteros). ‘Ika ko, mas tinututukan pa ngayon ang AlDub kaya bawal silang magkasakit.”
HOT, AW! – RONNIE CARRASCO III
