This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PITO katao, kabilang ang tatlong notoryus drug personalities, ang naaktuhan habang nagpa-pot session sa isinagawang buy-bust operation ng pulisya sa Norzagaray, Bulacan kamakalawa.
Sa ulat mula kay Supt. Joel Estaris, hepe ng Norzagaray Police, kabilang sa mga naaresto sina Howell Ong alyas tangkad, Julius Cardano alyas Berting, at Ana Marie Serrano alyas Marie, pang-anim, pangpito at pangsampu, ayon sa pagkakasunod-sunod, sa top 10 illegal drug personalities sa naturang bayan.
Samantala, nadakip habang nagsasagawa ng pot session sa isang bahay malapit sa planta ng semento sina Jayvee Faustino at Ramon Lapig.
Kasunod na naaresto sina Peter Panataleon at Santiago Detangel habang sumisinghot ng shabu sa isang abandonadong bahay sa Brgy. Poblacion.
Ang mga naarestong suspek ay kasalukuyang nakadetine sa Norzagaray municipal jail.
